डॉ. रमन सिंह नारायणपुर विकास यात्रा

मुख्यमंत्री ह पांच महिला स्व सहायता समूह मन ल आजीविका वाहन के चॉबी सौंपिन

रायपुर, 14 मई 2018/ मुख्यमंत्री डॉ. रमन सिंह ह विकास यात्रा के तीसर दिन जिला मुख्यालय नारायणपुर म आयोजित आमसभा म पांच स्व-सहायता महिला समूह मन ल पांच आजीविका वाहन के चॉबी सौंपिन। ए अवसर मुख्यमंत्री डॉ. रमन सिंह ह कहिन के महिला समूह मन तिर वाहन होए ले उंखर ताकत बाढ़ही अऊ ओ मन अपन समूह के कामकाज बेहतर अऊ कम समय म पूरा कर सकहीं। एखरे संग समूह मन के आमदनी म इजाफा होही अऊ उंखर आर्थिक स्थिति मजबूत होही।
मुख्यमंत्री ह जऊन महिला समूह मन ल आजीविका वाहन के चाबी सौंपिन वो समूह मन म मां दुर्गा स्व-सहायता समूह, बम्लेश्वरी पालकी, मां बम्लेश्वरी कन्हारगांव, मां दुर्गा महिला समूह माहका अऊ सत्य कंबीर स्व सहायता समूह दण्डवन सामिल हे। विभागीय अधिकारी मन ह बताइन के ए समूह मन ल राष्ट्रीय ग्रामीण आजीविका मिशन (एनआरएलएम) के अंतर्गत 25 लाख 68 हजार रूपिया के लागत ले पांच वाहन देहे गए हे। ए वाहन मन के चालन-परिचालन महिला मन ह करहीं। एखर बर ए समूह मन के महिला मन ल वाहन चलाये के प्रशिक्षण देहे जाही।

मुहाचाही:  मुख्यमंत्री ले सिविल सेवा परीक्षा म सफल श्री सुरेश जगत ह करिस सौजन्य मुलाकात