अटल विकास यात्रा डॉ. रमन सिंह

मुख्यमंत्री ह मदनपुर म करिन 109 करोड़ रूपिया के विकास काम मन के लोकार्पण-भूमिपूजन

मुख्यमंत्री डॉ. रमन सिंह ह आज प्रदेश व्यापी अटल विकास यात्रा के अंतर्गत कोरबा जिला के ग्राम मदनपुर म आयोजित विशाल आम सभा म करीबन 109 करोड़ रूपिया के 54 काम मन के शिलान्यास अउ लोकार्पण करिन। उमन एमां ले करीबन 96 करोड़ 59 लाख रूपिया के लागत ले 21.50 किलोमीटर पाली-सिल्ली मार्ग के उन्नयन अउ पुनर्निर्माण काम के भूमिपूजन करिन। ए दौरान मुख्यमंत्री ह 10 हजार 649 हितग्राही मन ल कई ठन चीज मन अऊ सहायता राशि के वितरण करिन। ए अवसर म श्रम, खेल अउ युवा कल्याण मंत्री श्री भईया लाल राजवाड़े, लोकसभा सांसद डॉ. बंशीलाल महतो, संसदीय सचिव श्री लखन देवांगन, पूर्व गृह मंत्री श्री ननकीराम कंवर अऊ पूर्व विधानसभा उपाध्यक्ष श्री बनवारी लाल अग्रवाल घलोक ए अवसर म उपस्थित रहिन।
मुख्यमंत्री ह जऊन पूरा हो गे काम मन के लोकार्पण करिन ओमां, 37 लाख 39 हजार के लागत ले उरगा म खाद्य भंण्डारण गृह तक पहुंच मार्ग, 20 लाख के लागत ले कोल्गा ले बाघमाड़ा मार्ग म पुलिया अऊ सीसी रोड, 10 लाख रूपिया के लागत ले ग्राम तराईमारडीह म पुलिया निर्माण, पहुंच मार्ग सामिल हे। मुख्यमंत्री ह नवा स्वीकृत जऊन काम मन के भूमिपूजन अऊ शिलान्यास करिन, ओमां मुख्य रूप ले एक करोड़ 34 लाख 77 हजार के लागत ले ग्राम कुदमुरा, बेहरचुवां म बनने वाला शासकीय उच्चतर माध्यमिक विद्यालय भवन, 71 लाख के लागत ले बालको के सेक्टर पांच स्थित शासकीय कन्या उच्चतर माध्यमिक विद्यालय प्रयोगशाला कक्ष, करीबन दो करोड़ के लागत ले ग्राम लखनपुर, देवगांव, मदवानी अऊ पकरिया म नल-जल प्रदाय योजना, एक करोड़ दस लाख रूपिया के लागत ले ग्राम सेमरा, कुटेशरनगोई, ऐतमानगर, चिचोली, शिवपुर, पोलमी, कर्रानवापारा, डूग्गूपारा, जेपी कालोनी कोरबा, बैगापारा घिनारा अउ चिकनीपाली स्थित प्राथमिक शाला अउ माध्यमिक शाला बर नवीन भवन अऊ अकतहा कक्ष निर्माण, तीन करोड़ 60 लाख़ रूपिया के लागत ले सामुदायिक भवन, सीसी रोड, स्लैब पुलिया, सीसी पुलिया, कांक्रीटीकरण, ग्राम पंचायत भवन के काम सामिल हे।
मुख्यमंत्री ह आमसभा म 10 हजार 649 गांव वाले मन ल कई ठन हितग्राही मूलक योजना मन म सामान अऊ सहायता राशि वितरित करिन। एमां उजाला योजनान्तर्गत 744 पहाड़ी कोरवा अउ बिरहोर परिवार मन ल एलईडी बल्ब अऊ मनरेगा के 9772 श्रमिक मन ल टिफिन के वितरण सामिल हे। एखर अलावा कार्यक्रम म मत्स्य कृषक मन ल जाल अऊ आईसबाक्स, किसान मन ल साग-भाजी के बीज किट, पशुपालक मन बर योजना मन के तहत सामान अऊ सहायता राशि, दिव्यांगजन मन ल विवाह प्रोत्साहन राशि, दिव्यांगजन मन ल ट्राईसायकल, श्रवण यंत्र, तेंदूपत्ता बोनस, चरण पादुका, प्रधानमंत्री उज्जवला योजनान्तर्गत गैस सिलेंडर संग मुख्यमंत्री स्वास्थ्य सुरक्षा योजना म स्मार्ट कार्ड अऊ बैंक सखी ल लैपटाप वितरण करिन।

मुहाचाही:  मुख्यमंत्री दू समाधान शिविर मन म अचानक पहुंचिन : तेंदूभांठा म रोहिणी बाई के घर जाके उंखर से करिन मुलाकात