डॉ. रमन सिंह

मुख्यमंत्री ह रंग-गुलाल के के संग करिन निर्माणाधीन हाईटेक बस स्टैंड के जांच

करीबन दस एकड़ म दस करोड़ के लागत ले होवत हे निर्माण

रायपुर, 3 मार्च 2018। मुख्यमंत्री डॉ. रमन सिंह ह होली के दिन अपन गृहनगर जिला मुख्यालय कवर्धा म आम जनता के संग रंग-गुलाल खेलत कल निर्माणाधीन हाईटेक बस स्टैंड के जांच करिन। शहर के सरलग होवत विस्तार अऊ यातायात के बढ़त दबाव ल ध्यान म रखके सुगम अऊ सुरक्षित यातायात बर करीबन दस एकड़ के रकबा म दू चरण म ए हाईटेक बस स्टैंड के निर्माण करे जात हे। एखर खातिर राज्य शासन कोति ले दस करोड़ रूपिया मंजूर करे गए हे। पहिली चरण के निर्माण काम करीबन पूरा होए के करीब हे। ए प्रोजेक्ट के पहिली चरण म निर्माण काम मन म चार करोड़ 40 लाख रूपिया खर्च करे गए हे। दूसर चरण बर पांच करोड़ 29 लाख रूपिया मंजूर करे गए हे। मुख्यमंत्री ह जांच के बेरा अधिकारी मन ल सबो काम पूरा गुणवत्ता के संग समय-सीमा म पूरा करे के निर्देश दीन। ए अवसर म कवर्धा के विधायक श्री अशोक साहू , जिला पंचायत अध्यक्ष श्री संतोष पटेल, कलेक्टर श्री नीरज कुमार बंसोड़, राज्य युवा आयोग के पहिली अध्यक्ष श्री संतोष पाण्डे अऊ आन बहुत अकन वरिष्ठ जनप्रतिनिधि उपस्थित रहिन।



मुहाचाही:  मुख्यमंत्री ह करिन भोजली माता के पूजा अर्चना