डॉ. रमन सिंह

मुख्यमंत्री ह राजधानी ल दीस एक नवा स्टेडियम के सौगात

रायपुर, 17 फरवरी 2018 मुख्यमंत्री डॉ. रमन सिंह ह आज राजधानी रायपुर ल एक नवा स्टेडियम के सौगात दीन। उमन इहां कोटा म करीबन 17 करोड़ रूपिया के लागत ले निर्मित प्रदेश के पहिली एथलेक्टिस स्टेडियम (स्वामी विवेकानंद स्टेडियम) के लोकार्पण करिन। डॉ. सिंह ह स्टेडियम के निरीक्षण घलोक करिन। उमन एन.सी.सी. अऊ स्काऊट्स के आकर्षक मार्च मास्ट के सलामी घलोक लीन। मुख्य अतिथि के आसंदी ले लोकार्पण समारोह ल संबोधित करत उमन कोटा स्टेडियम ल एथलेटिक अकादमी के रूप म विकसित करे अऊ राजधानी रायपुर के ईदगाह भाठा स्थित हिन्द स्पोर्टिंग मैदान म घलोक स्टेडियम निर्माण के घोषणा करिन। डॉ. सिंह ह ए अवसर म तीन दिवसीय जिला स्तरीय लईका मड़ई के घलोक शुभारंभ करिन।



प्रदेश के पहिली एथलेटिक्स स्टेडियम के डॉ. रमन सिंह ह करिस लोकार्पण
छत्तीसगढ़ राष्ट्रीय-अंतर्राष्ट्रीय खेल आयोजन मन बर तइयार: मुख्यमंत्री
छत्तीसगढ़ मे बनही एथलेटिक्स एकेडमी अऊ रायपुर के हिंद स्पोर्टिंग मैदान म बनही स्टेडियम: मुख्यमंत्री ह करिस घोषणा





ए अवसर म खेल अऊ युवा कल्याण मंत्री श्री भईयालाल राजवाडे़, संसदीय सचिव श्री राजू सिंह क्षत्री, विधायक श्री श्रीचंद सुंदरानी, छत्तीसगढ़ राज्य बीज निगम के अध्यक्ष श्री श्याम बैस, रायपुर विकास प्राधिकरण के अध्यक्ष श्री संजय श्रीवास्तव, छत्तीसगढ़ राज्य भवन कर्मकार कल्याण मंडल के अध्यक्ष श्री मोहन एंटी, छत्तीसगढ़ राज्य बाल अधिकार सरंक्षण आयोग के अध्यक्ष श्रीमती प्रभा दुबे, रायपुर नगर निगम के सभापति श्री प्रफुल्ल विश्वकर्मा, कलेक्टर श्री ओ.पी.चौधरी अऊ नगर निगम के आयुक्त श्री रजत बंसल संग बड़ संख्या म नागरिक उपस्थित रहिन।

मुहाचाही:  मुख्यमंत्री ले छत्तीसगढ़ अंशकालीन स्कूल सफाई कर्मचारी संघ के प्रतिनिधि मन ह करिन मुलाकात