डॉ. रमन सिंह

मुख्यमंत्री ह शंकराचार्य श्री जयेन्द्र सरस्वती के निधन म करिन शोक प्रकट

रायपुर, 28 फरवरी 2018। छत्तीसगढ़ के मुख्यमंत्री डॉ. रमन सिंह ह कांची कोमकोटि मठ के शंकराचार्य श्री जयेन्द्र सरस्वती के निधन म गहरा दुःख व्यक्त करिन हे। डॉ. सिंह ह ओ मन ल विनम्र श्रद्धांजलि अपिर्त करत आज रायपुर म जारी शोक संदेश म कहिन कि जयेन्द्र सरस्वती जी ह कांची कामकोटि मठ के माध्यम ले आम जनता के भलाई बर स्वास्थ्य अऊ चिकित्सा सेवा के संग शिक्षा के क्षेत्र म कई बड़े प्रकल्प मन के शुरूआत करे रहिन। ऊंखर नेतृत्व म मठ कोति ले कई प्रतिष्ठित अस्पताल अऊ स्कूल मन के स्थापना होइस। डॉ. रमन सिंह ह कहिन-भारतीय संस्कृति, धर्म अऊ आध्यात्म के संगें-संग समाजसेवा के क्षेत्र म स्वामी जयेन्द्र सरस्वती के योगदान ल हर हमेशा याद रखे जाही। आप मन जानतेच होहू के शंकराचार्य श्री जयेन्द्र सरस्वती के आज कांचीपुरम स्थित एक अस्पताल म निधन हो गीस।



मुहाचाही:  मुख्यमंत्री अचानक पहुंचिन कवर्धा : जनप्रतिनिधि मन ले करिन मुलाकात