डॉ. रमन सिंह विकास यात्रा

मुख्यमंत्री 17, 18 अऊ 19 मई ले प्रदेश व्यापी विकास यात्रा के दौरा म

कोरबा, कोरिया, जशपुर, बलरामपुर अऊ सूरजपुर जिला मन के करहीं भ्रमण

रायपुर, 14 मई 2018/ मुख्यमंत्री डॉ. रमन सिंह 17, 18 अऊ 19 मई ले प्रदेश व्यापी विकास यात्रा के दौरा म रइहीं। मुख्यमंत्री ए दौरान कोरबा, कोरिया, जशपुर, बलरामपुर अऊ सूरजपुर जिला मन के दौरा करहीं। डॉ. सिंह निरधारित कार्यक्रम के मुताबिक 17 मई के दिन रायपुर ले बिहनिया 10.50 बजे हेलीकॉप्टर ले रवाना होके 11.30 बजे कोरबा जिला के विकासखण्ड मुख्यालय करतला पहुंचहीं अऊ उहां आम सभा ल संबोधित करहीं। मुख्यमंत्री मंझनिया 3 बजे कोरिया जिला के विकासखंड मुख्यालय खड़गवां अऊ 3.15 बजे दुबछोला गांव के स्वागत सभा मन म सामिल होही। विकास यात्रा 3.45 बजे कोरिया जिला के ग्राम अखराडांड पहुंचही, जिहां गांव वाले मन कोति ले स्वागत करे जाही। मुख्यमंत्री संझा 5 बजे चिरमिरी आहीं अऊ उहां रोड शो के बाद आम सभा ल संबोधित करहीं। डॉ. सिंह रतिहा थिरावन चिरमिरी म करहीं।
डॉ. सिंह आघू दिन 18 मई के चिरमिरी म बिहनिया 9.30 बजे प्रेस कान्फ्रेंस के बाद 10.45 बजे हेलीकॉप्टर ले रवाना होके 11.30 बजे जशपुर जिला के कांसाबेल पहुंचहीं अऊ आम सभा ल संबोधित करहीं। मुख्यमंत्री मंझनिया 3 बजे बलरामपुर जिला के गणेश मोड़, 3.50 बजे जिला मुख्यालय बलरामपुर अऊ संझा 5.10 बजे पस्ता के स्वागत सभा मन म सामिल होही। डॉ. सिंह संझा 6.10 बजे राजपुर आहीं अऊ उहां आम सभा ल संबोधित करहीं। डॉ. सिंह रात्रि थिरावन राजपुर म करहीं।
मुख्यमंत्री आघू दिन 19 मई के राजपुर म बिहंचे 9.30 बजे प्रेस कान्फ्रेंस के बाद 10.50 बजे हेलीकॉप्टर ले रवाना होके 11.30 बजे सूरजपुर जिला के उचडीह गांव पहुंचहीं अऊ उहां आम सभा ल संबोधित करहीं। डॉ. सिंह मंझनिया 3 बजे कोरबा जिला के गुरसिंया (पोड़ी-उपरोड़ा) म स्वागत सभा के बाद 3.50 बजे विकासखंड मुख्यालय कटघोरा म आमसभा ल सम्बोधित करहीं। विकासयात्रा संझा 5.10 बजे ग्राम छुरीकला, संझा 5.45 बजे जमुनापाली के जेलगांव चौक अऊ संझा 6.10 बजे दर्री पहुंचही, जिहां गांव वाले मन कोति ले मुख्यमंत्री के स्वागत करे जाही। डॉ. सिंह संझा 7 बजे जिला मुख्यालय कोरबा पहुंचहीं अऊ उहां रोड शो के बाद आम सभा ल संबोधित करहीं। मुख्यमंत्री रात्रि थिरावन कोरबा म करहीं।

मुहाचाही:  तरक्की बंदूक ले नहीं विकास कार्य मन ले होही: डॉ. रमन सिंह

File Photo: bhaskarworld.com