अजय सिंह

मुख्य सचिव के अध्यक्षता म स्कूल शिक्षा विभाग के समीक्षा

लइका मन ल निःशुल्क गणवेश, पाठ्य पुस्तक अऊ सायकिल देहे के तइयारी

रायपुर, 11 मई 2018। राज्य शासन के स्कूल शिक्षा विभाग कोति ले शासकीय स्कूल मन के करीबन 32 लाख लइका मन ल निःशुल्क गणवेश अऊ 56 लाख नग ले जादा निःशुल्क पाठ्य पुस्तक मन के वितरण करे के तइयारी शुरू कर दे गए हे। विभाग कोति ले सरस्वती सायकिल योजना के तहत हाई स्कूल कक्षा मन के एक लाख 84 हजार बालिका मन ल निःशुल्क सायकिल देहे के घलोक तैयारी करे जात हे। ये जानकारी आज इहां मंत्रालय म मुख्य सचिव श्री अजय सिंह के अध्यक्षता म आयोजित स्कूल शिक्षा विभाग के समीक्षा बैठक म दे गीस।
बैठक म स्कूल शिक्षा विभाग के पुस्तकालय योजना, मुख्यमंत्री ज्ञान प्रोत्साहन योजना, राज्य छात्रवृत्ति योजना, मुख्यमंत्री अमृत योजना पुस्तकालय योजना, विकलांग लइका मन के समेकित शिक्षा योजना, कस्तूरबा गांधी आवासीय विद्यालय, युवा कैरियर निर्माण, राष्ट्रीय माध्यमिक शिक्षा अभियान संग स्कूल शिक्षा विभाग के आन योजना के विस्तृत समीक्षा करे गीस। स्कूल शिक्षा विभाग के सचिव श्री गौरव द्विवेदी ह विभागीय योजना मन के जानकारी प्रेजेन्टेशन के जरिये प्रदान करिन। बैठक म शिक्षा संचालक श्री एस.प्रकाश संग स्कूल शिक्षा विभाग के आन अधिकारी मौजूद रहिन।



ये समाचार ल आप हिन्‍दी म संवाद के वेबसाईट म ये कड़ी ले पढ़ सकत हवव।

मुहाचाही:  मुख्य सचिव के अध्यक्षता म केबिनेट के निर्णय मन उपर अमल के समीक्षा