Pradesh अजय सिंह रायपुर

मुख्य सचिव के अध्यक्षता म बैठक : खाली पद मन के पूर्ति बर चलत कार्रवाई के समीक्षा

मुख्य सचिव श्री अजय सिंह ह आज इहां मंत्रालय (महानदी भवन) म राज्य शासन के कई ठन विभाग मन के वरिष्ठ अधिकारी मन के बैठक लीन। उमन बैठक म वित्त विभाग ले प्राप्त अनुमति के आधार म संबंधित विभाग मन के खाली पद मन के पूर्ति बर करे जात कार्रवाई के समीक्षा करिन। श्री सिंह ह एखर अलावा अनिवार्य सेवानिवृत्ति के प्रकरण मन म सेवानिवृत्त कर्मचारी मन अऊ अधिकारी मन ले प्राप्त अभ्यावेदन मन के निराकरण के स्थिति के बारे म घलोक विभागवार जानकारी लीन। ए अवसर म कृषि विभाग के अपर मुख्य सचिव श्री सुनील कुजूर, वन विभाग के अपर मुख्य सचिव श्री से.के. खेतान, पंचायत अउर ग्रामीण विकास विभाग के अपर मुख्य सचिव श्री आर.पी. मंडल, प्रमुख सचिव गृह अउर वित्त श्री अमिताभ जैन, सामान्य प्रशासन अउर खाद्य विभाग के प्रमुख सचिव, श्रीमती ऋचा शर्मा, संग शिक्षा, स्वास्थ्य, लोक निर्माण, ऊर्जा, अनुसूचित जाति अउर जनजाति, महिला अउर बाल विकास, घर पर्यावरण, सूचना प्रौद्योगिकी, सहकारिता, खेल अउर युवा कल्याण, नगरीय प्रशासन, खनिज, ग्रामोद्योग, तकनीकी शिक्षा, उच्चा शिक्षा, जनसम्पर्क संग आन विभाग मन के वरिष्ठ अधिकारी मौजूद रहिन।

मुहाचाही:  गांव-गांव घर-घर अऊ जन-जन के दिनचर्या मं सामिल होना चाही योग