अजय सिंह

मुख्य सचिव ह करिन आदिवासी विकास विभाग के काम-काज के समीक्षा

रायपुर, 11 मई 2018। मुख्य सचिव श्री अजय सिंह ह आज इहां मंत्रालय (महानदी भवन) म आदिम जाति अउ अनुसूचित जाति विकास विभाग कोति ले संचालित करे जात आश्रम-छात्रावास मन म लइका मन ल देहे जात सुविधा, विभाग कोति ले संचालित कई ठन योजना अऊ राज्य अंतव्यवसायी वित्त विकास निगम कोति ले संचालित करे जात योजना मन के प्रगति के समीक्षा करिन। ए दौरान उमन प्रयास संस्था के माध्यम ले कई ठन प्रतियोगी परिक्षा मन म पास होके उच्‍च तकनीकी शिक्षण संस्था मन म अध्ययन खतम करइया लइका मन के व्यवस्थापन के जानकारी देहे के निर्देश विभागीय अधिकारी मन ल दीन। राज्य शासन के हमर छत्तीसगढ़ योजना के तहत आश्रम-छात्रावासी लइका मन ल नवा रायपुर भ्रमण कराए के जरूरी कार्ययोजना बनाए के निर्देश घलोक देहे गीस। मुख्य सचिव ह वित्त विकास निगम के उपलब्धि मन उपर असंतोष व्यक्त करिन।




बैठक म आदिम जाति अउ अनुसूचित जाति विकास विभाग के विशेष सचिव सुश्री रीना बाबा साहेब कंगाले ह बताइन के जनगणना 2011 के अनुसार राज्य के साक्षरता दर 70.28 प्रतिशत हे। एमां ले अनुसूचित जनजाति के साक्षरता दर 59.09 प्रतिशत अऊ अनुसूचित जाति के साक्षरता दर 70.76 प्रतिशत हे। विभाग कोति ले मुख्य रूप ले 27 योजना अऊ एक वित्त विकास निगम के संचालन करे जात हे। मुख्यमंत्री बाल भविष्य सुरक्षा योजना के तहत आस्था गुरूकुल विद्यालय के संचालन दंतेवाड़ा जिला म करे जात हे। ए आवासीय विद्यालय म कक्षा पहली ले बारहवीं तक के अध्ययन के निशुल्क व्यवस्था हे। अभी हाल म इहां 290 विद्यार्थी अध्ययनरत हें। प्रयास आवासीय विद्यालय म दसवीं पहिली श्रेणी म उत्तीर्ण अउ चयन परीक्षा म पास होए लइका मन ल 11वीं अउ 12वीं म गणित अउ विज्ञान विसय के अध्यापन के संग जेईई (मेन अउर एडवांस) अऊ नीट जइसे राष्ट्रीय स्तर के परिक्षा मन के तैयारी म मदद करे जात हे। अभी हाल म अम्बिकापुर, जगदलपुर, रायपुर, दुर्ग, बिलासपुर म प्रयास विद्यालय के संचालन करे जात हे। कांकेर जिला म फीडर प्रयास आवासीय विद्यालय संचालित हे। ए विद्यालय मन म कुल एक हजार 935 विद्यार्थी अध्ययनरत हे। ए साल जशपुर अऊ कोरबा जिला म घलोक प्रयास आवासीय विद्यालय चालू करे जाही।



ये समाचार ल आप हिन्‍दी म संवाद के वेबसाईट म ये कड़ी ले पढ़ सकत हवव।

मुहाचाही:  सिंगापुर ले आये प्रतिनिधि मंडल ह मुख्य सचिव ले करिस मुलाकात