Chhattisgarhi Pradesh

मेधावी छात्र-छात्रा शिक्षा प्रोत्साहन योजना

श्रमिक मन के 26 हजार बच्चा मन ल 11.67 करोड़ के प्रोत्साहन राशि वितरित

रायपुर 13 जून 2017। छत्तीसगढ़ भवन अउ आन सन्निर्माण कर्मकार कल्याण मंडल कोति ले साल 2016-17 म प्रदेश के निर्माणी श्रमिक मन के 26 हजार 675 बच्चा मन ल प्रोत्साहन राशि देहे गए हावय। ए बच्चा मन ल ग्यारह करोड़ 67 लाख के प्रोत्साहन राशि देहे गए हावय। छत्तीसगढ़ भवन अउर आन सन्निर्माण कर्मकार कल्याण मंडल कोति ले भवन अउर आन सन्निर्माण काम म लगे श्रमिक मन के 75 प्रतिशत अंक पवइया मेधावी छात्र-छात्रा मन ल कक्षा दसवीं ले दू हजार रूपिया ले 12 हजार 500 रूपिया तक प्रोत्साहन राशि दे जात हावय। योजना के तहत छत्तीसगढ़ माध्यमिक शिक्षा मंडल कोति ले आयोजित कक्षा दसवीं अउ बारहवीं परीक्षा परिणाम के टॉप टेन म आवइया छात्र-छात्रा मन ल मंडल ले एक लाख रूपिया के प्रोत्साहन राशि दे जात हावय। पंजीकृत श्रमिक मन के बच्चा मन ल शासकीय आई.टी.आई., इंजीनियरिंग, मेडिकल, लॉ, डेन्टल, नर्सिंग, पालिटेक्निक अउ कृषि महाविद्यालय अउ आई.टी.आई. म प्रवेश लेहे म सबो शैक्षणिक शुल्क, छात्रावास शुल्क अउ भोजन म होवइया खरचा के पूर्ति कर्मकार कल्याण मंडल कोति ले करे जात हावय। एखर अलावा साल म एक पइत दू हजार रूपिया स्टेशनरी खर्च के रूप म देहे जात हावय। अशासकीय संस्था मन म प्रवेश लेवइया छात्र-छात्रा मन ल शासकीय संस्था मन बर निरधारित शुल्क के बराबर शुल्क देहे के प्रावधान हावय।

मुहाचाही:  गृहमंत्री ल झटका? लोकआयोग करही संपत्ति के जांच : हाई कोर्ट ह लोक आयोग ल कर दिस रेस

Leave a Reply

Your email address will not be published. Required fields are marked *