बृजमोहन अग्रवाल

मोदी-शाह के जोड़ी हमला साल भर होली खेले के मौका देही -बृजमोहन

जिला भाजपा कार्यालय रायपुर म आयोजित होइस होली मिलन समारोह।

रायपुर, 04.03.2018। भारतीय जनता पार्टी जिला रायपुर कोति ले एकात्म परिसर म होली मिलन समारोह रखे गीस। ए समारोह म प्रदेश के कृषि, सिंचाई मंत्री बृजमोहन अग्रवाल सामिल होइन। जिला भाजपा अध्यक्ष राजीव अग्रवाल संग जिला के जम्‍मो पदाधिकारी मन ह ओ मन ल गुलाल लगाके होली के बधाई दीन। ए अवसर म उपस्थित शहर के भाजपा कार्यकर्ता मन ल श्री अग्रवाल ह संबोधित करिन। उमन कार्यककर्ता मन ल होली के शुभकामना देवत कहिन कि ये होली के पर्व पूर्वोत्तर म भाजपा बर जीत लेके आए हे। ये हम भाजपाई मन बर दुगुना खुशी के मौका हे।


बृजमोहन ह कहिन कि प्रधानमंत्री नरेंद्र मोदी के विकासपरक सोंच अऊ अमित भाई शाह के चुनावी रणनीति ल अइसनहे सरलग सफलता मिलती रहिही। हर चुनाव म ओ मन जीत दर्ज करात रहिहीं जेखर से हम भाजपा कार्यकर्ता मन ल साल भर रंग-गुलाल खेले के अवसर मिलत रहिही। ए दौरान होली के गीत मन म कार्यकर्ता मन के संग बृजमोहन अग्रवाल थिकरकत नज़र आइन।




मुहाचाही:  कृषि मंत्री ले मंत्रालय म जनप्रतिनिधि मन अऊ आम नागरिक मन ह करिन मुलाकात