Desh नरेन्द्र मोदी

मोदी ह रखिस अंतरराष्ट्रीय कन्वेंशन सेंटर के आधारशिला

प्रधानमंत्री नरेंद्र मोदी ह दिल्ली के द्वारका म इंडिया इंटरनेशनल कनवेंशन एंड एक्सपो सेंटर के आधारशिला रखिन। ए मौका म पीएम मोदी ह कहिन कि सरकार राष्ट्रहित म कठिन फैसला लेहे म पीछू नइ रहय। द्वारका जाय बर प्रधानमंत्री ह धौला कुआं ले मेट्रो के सवारी करिन प्रधानमंत्री ल खुद के बीच पाके मनखे मन म गज़ब के उत्साह दिखिस। प्रधानमंत्री नरेन्द्र मोदी दिल्ली म दूरिहा जाए बर अक्सर मेट्रो सेवा के उपयोग करथें, ताकि वीवीआईपी आवाजाही के सेती यातायात बाधित झन होवय अऊ आम जन ल असुविधा के सामना झन करना परय।
कार्यक्रम स्‍थल पहुच के उमन सेंटर के आधारशिला रखिन। इंडिया इंटरनेशनल कन्वेंशन एंड एक्सपो सेंटर द्वारका के सेक्टर 25 म भव्य कन्वेंशन सेंटर होही। ये 221 एकड़ म फैले होही जेखर निर्माण 1 करोड़ 10 लाख वर्ग फ़ीट क्षेत्रफल म होही। एखर से 5 लाख मनखे मन ल सीधा रोज़गार मिलही। 25,700 करोड़ रुपिया के ए परियोजना के पहिली चरण के काम दिसंबर 2019 तक पूरा होही। एखर दूसर चरण 2024 तक पूरा होए के संभावना हे। ये दक्षिण एशिया के सबले बड़े अऊ दुनिया के सबसे बड़े 10 कन्वेंशन सेंटर म ले एक होही।

मुहाचाही:  मोर खातिर कोनो विशेष इंतजाम मत करव: योगी