Sanskruti

राजधानी म मनाए गीस अंतर्राष्ट्रीय संग्रहालय दिवस

अंतर्राष्ट्रीय संग्रहालय दिवस के अवसर म काल राज्य सरकार के संस्कृति अऊ पुरातत्व विभाग कोति ले महंत घासीदास संग्रहालय के आडिटोरियम म संगोष्ठी के आयोजन करे गीस। कार्यक्रम म संस्कृति विभाग के मासिक पत्रिका ’बिहनिया’ के विशेषांक के विमोचन घलोक करे गीस। आप मन जानतेच हवव के ए साल के अंतर्राष्ट्रीय संग्रहालय दिवस ’हायपर कनेक्टेड म्यूजियम, नये प्रयास-नये लोग’ विसय उपर केन्द्रित रहिस। संगोष्ठी के शुभारंभ सत्र म राष्ट्रीय विज्ञान संग्रहालय परिषद कोलकाता के पहिली महानिदेशक डॉ. जी.एस. रौतेला ह म्यूजियम ब्रॉण्डिंग अऊ मार्केटिंग के जरूरत म बल दीन। उमन कहिन- संग्रहाल मन के प्रति दर्शक मन ल जादा ले जादा संख्या म आकर्षित करे बर ये बहुत जरूरी हे। छत्तीसगढ़ सरकार के पुरातत्व सलाहकार, पद्मश्री सम्मानित डॉ. अरूण कुमार शर्मा ह सिरपुर उत्खनन के उल्लेख करत उहां एक आधुनिक सुविधा ले सुसज्जित संग्रहालय निर्माण के सुझाव दीन।
पूरा समाचार छत्‍तीसगढ़ संवाद के वेबसाईट म हिन्‍दी म इंहा हावय।

मुहाचाही:  घासीदास स्मारक संग्रहालय म मनाए गीस विश्व धरोहर दिवस