Yojana

राजनांदगांव, बिलासपुर अऊ गरियाबंद के 463 पंचायत प्रतिनिधि अध्ययन भ्रमण म

रायपुर, 05 मार्च 2018। हमर छत्तीसगढ़ योजना के तहत तीन जिला मन के 463 पंच-सरपंच अध्ययन भ्रमण म आज रायपुर पहुंचिन। एमां राजनांदगांव के 170, गरियाबंद के 152 अऊ बिलासपुर के 141 पंचायत प्रतिनिधि सामिल हें। अध्ययन भ्रमण के पहिली दिन आज पंच-सरपंच मन ह नया रायपुर म मंत्रालय, शहीद वीर नारायण सिंह अंतर्राष्ट्रीय क्रिकेट स्टेडियम, पुरखौती मुक्तांगन अउ रायपुर के इंदिरा गांधी कृषि विश्वविद्यालय देखिन। उमन संझा कुन मुक्तांगन म लाइट एंड साउंड शो के घलोक आनंद लीन।




पंच-सरपंच मन ह हमर छत्तीसगढ़ योजना के आवासीय परिसर, नया रायपुर के उपरवारा स्थित होटल प्रबंधन संस्थान म प्रशिक्षण अऊ समूह चर्चा म हिस्सा लीन। ए दौरान ओ मन ल सरकार के बहुत अकन योजना मन के जानकारी दे गीस। ओ मन अध्ययन प्रवास के दूसर दिन काल 06 मार्च ल जंगल सफारी, छत्तीसगढ़ विधानसभा, साइंस सेंटर अउ स्‍वामी विवेकानंद विमानतल के भ्रमण करहीं।



मुहाचाही:  मुख्यमंत्री के अध्यक्षता म वीडियो कॉन्फ्रेसिंग: ग्राम स्वराज अभियान के समीक्षा