बृजमोहन अग्रवाल

राजिम कुंभ कल्प बृजमोहन ह लीस तैयारी मन के जायजा

संत मन के अभिनंदन अउ छत्तीसगढ़ प्रदेश के समृद्धि बर ढाई करोड़ जनता कोति ले त्रिवेणी संगम म ढाई लाख दीया बारे जाही
7 फरवरी ले जगतगुरु शंकराचार्य स्वरूपानंद सरस्वती जी करहीं संत समागम के शुभारंभ

रायपुर, 05 फरवरी 2018। बृजमोहन अग्रवाल के मीडिया प्रभारी देवेन्द्र गुप्ता कोति ले मिले जानकारी के मुताबिक माघ पूर्णिमा ले चले आत राजिम कुंभ म 7 फरवरी ले संत समागम होही। देश भर के साधु-संत, महात्मा मन के आगमन म अभिनंदन के विशेष तैयारी करे जात हे। संत समागम के दिन कुंभ स्थल म ढाई लाख बरत दीया ह आकर्षण के मुख्‍य केंद्र होही, जऊन विश्व कीर्तिमान रचत नजर आही। येकर बर होवत तियारी मन ल ध्यान म रखके प्रदेश के धर्मस्व-कृषि मंत्री बृजमोहन अग्रवाल ह आज पूरा कुंभ स्थल के अवलोकन करिस अउ विधानसभा के पहिली उपाध्यक्ष नारायण चंदेल के संग त्रिवेणी संगम म आयोजित गंगा आरती म घलोक सामिल होइन।




श्री अग्रवाल सबले पहिली लोमस ऋषि आश्रम पहुंचिन, ओकर बाद नागा साधु मन के पंडाल के निरीक्षण करिस। ओ मन संत समागम स्थल घलोक पहुंचके उहां स्थित प्रवचन पंडाल, भोजनशाला के व्यवस्था देखिन। उमन संत मन बर बनाय गए कुटिया मनके घलव निरीक्षण करके व्यवस्था मन के संबंध म जरूरी दिशा निर्देश दीन। ढाई लाख दीया के प्रज्वलन बर बनाय गए कई ठन सेक्टर मन के घलोक उमन पैदल अवलोकन करिन अउ ए दौरान भीड़ ल नियंत्रित रखके अनुशासन बनाये रखे बर आवश्यकतानुसार बैरिकेट्स लगाय के निर्देश उमन उपस्थित अफसर मन ल दीन।

ए दौरान श्री अग्रवाल के संग विधायक संतोष उपाध्याय, सचिव धर्मस्व अउ जल संसाधन सोनमणि वोरा, कलेक्टर गरियाबंद श्रुति सिंह, कलेक्टर धमतरी आर प्रसन्ना, संचालक संस्कृति जितेंद्र शुक्ला, एसपी रजनीश सिंह, गरियाबंद एसपी मोहित गर्ग, नवापारा पालिका अध्यक्ष विजय गोयल, जितेंद्र सोनकर, जिला भाजयुमों उपाध्यक्ष विकास साहू, पार्षद सौरभ जैन, संजय बंगानी, जल संसाधन ईएनसी एचआर कुटारे, जल संसाधन ईई पीके आनंद, अजय श्रीवास्तव, एसई ध्रुव, जीके भावे, पीके मेश्राम, आरएस देव, केके चंद्राकर, आरआर वैष्णव, वाईआर साहू, एआर साहू, एम के पंडोरिया, बीके बरुआ, टीआर पाटले, बीपी पालसोदकर, एके तिवारी, एमके जैन, कुलदीप बंजारे, केपी साहू, एलएल देवांगन, अजित सिंह, संग कई ठन विभाग मन के अफसर मौजूद रहिन।




छत्तीसगढ़ के खुशहाली बर प्रज्वलित होही ढाई लाख दीया
धर्मस्व मंत्री बृजमोहन अग्रवाल ह बताइस कि 7 फरवरी राजिम कुंभ कल्प के स्वरूप बड़का होही। अब तक करीबन 500 साधु अउ 150 के आसपास नागा साधु मन के आगमन हो गए हे। 7 फरवरी तक हज़ारों के संख्या म संत-महात्मा इहां पहुंचहीं। ए अवसर म ऊंखर अभिनंदन अउ छत्तीसगढ़ प्रदेश के समृद्धि बर ढाई करोड़ जनता के तरफ ले ढाई लाख दीया के प्रज्वलन त्रिवेणी संगम म करे जाही।
दीपोत्सव जइसे ये मनोरम दृश्य मुख्य आकर्षण के केंद्र होही।

मुहाचाही:  छत्तीसगढ़ म जीत के चौका लगाही भाजपा- बृजमोहन

जगतगुरु शंकराचार्य स्वरूपानंद सरस्वती जी करहीं संत समागम के शुभारंभ
श्री अग्रवाल ह बताइस के 7 फरवरी के संझा राजिम कुंभ कल्प के मुख्य मंच म संत समागम के शुभारंभ समारोह होही। जेमां जगतगुरु शंकराचार्य स्वरूपानंद सरस्वती जी के विशेष उपस्थित रइही। मुख्यमंत्री डॉ रमन सिंह समारोह के मुख्य अतिथि होही। ए अवसर म प्रदेश सरकार के सबो मंत्री अउ विधायकगण उपस्थित रहिहीं।