Filmi

राधे अंगूठा छाप के निर्माता चालू करिस यू ट्यूब चैनल

छत्तीसगढी फिल्म राधे अंगूठा छाप के निर्माण एजेंसी ओम शिव सांई फिल्म्स ह राधे अंगूठा छाप म मिले सफलता के बाद प्रॉडक्शन ह यूट्यूब चैनल घलोक लाय के उदीम करे हे। इंखर अवइया फिल्म ‘पढई मा जीरो तभो ले हीरो‘ के एक गाना के प्रमोशन ले
ए यू-ट्यूब चैनल के शुरआत होए हे। ये चैनल ओम साई फिल्म्स के नाम ले हे। आप मन जानतेच होहू के राधे अंगूठा छाप म करण खान हीरो हे।
फिल्‍म म छत्‍तीसगढ़ के प्रतिभा मन ल आसानी ले काम अउ सम्‍मान मिल सकय ए खातिर शिव सांई फिल्‍म ह कई चैनल यूट्यूब म बनाए हे। जेठू साहू के कहना हे के ए उदीम ले सबला प्लेटफॉर्म मिल सकही अउ ग्लैमरस लाइफ जीए अउ छालीउड म संघरे के संउख रखइया कलाकार मन ल येमा मौका मिलही।



मुहाचाही:  अंतरिक्ष विज्ञान म छत्तीसगढ़ म बनही फिल्म ‘महाधूमकेतु’ : मुख्यमंत्री ह दीस शुभकामना