Desh

राफेल मामला म वित्त मंत्री के राहुल गांधी उपर निशाना कहिस क्लाउन प्रिंस

केन्द्रीय वित्त मंत्री अरुण जेटली ह राफेल डील अऊ एनपीए ल लेके कांग्रेस अध्यक्ष राहुल गांधी उपर निशाना साधे हे। वित्त मंत्री अरूण जेटली ह कांग्रेस अध्यक्ष ल ‘मसखरे राजकुमार (क्लाउन प्रिंस)’ ले संबोधित करत कहिन के वो राफेल अऊ एनपीए म सरलग झूठ बोलत हे। वित्त मंत्री अरूण जेटली ह कहिन के राहुल ओ रणनीति उपर काम करत हे जिहां एक झूठ बनाए जाथे अऊ ओला घेरी-बेरी बोले जाथे। उमन कहिन के राहुल गांधी दू झूठ बोलत हे। एक तो राफेल डील ल लेके अऊ दूसर प्रधानमंत्री नरेन्द्र मोदी से 15 उद्योगपति मन के ढाई लाख करोड़ के लोन माफी ल लेके।
अरूण जेटली ह कहिन के ए दुनों आरोप मन म राहुल गांधी के हर आखर झूठा हे। वित्त मंत्री ह अपन ब्लॉग म लिखे हें के राहुल उद्योगपति मन के जऊन लोन माफी के बात करत हे वो 2014 ले पहिली के ये। अरूण जेटली ह कहिन के ओखर दावा हे कि यूपीए के जाय के बखत एनपीए 2.5 लाख करोड़ रुपिया रहिस। वित्त मंत्री ह अपन पोस्ट म आरोप लगाए हे के एनपीए के रिकवरी या कमी बर यूपीए सरकार ह कोनो प्रभावशाली कदम नइ उठाए रहिस।

मुहाचाही:  रसोई गैस के कीमत सरलग चौथइया पइत बाढि़स