श्रीमती रमशिला साहू

राष्ट्रीय पोषण मिशन म छत्तीसगढ़ के 15 जिला सामिल : प्रधानमंत्री राजस्थान म करहीं शुभारंभ

रायपुर 06 मार्च 2018। केन्द्र सरकार ह छत्तीसगढ़ के 27 म ले 15 जिला मन ल राष्ट्रीय पोषण मिशन म सामिल कर ले हे। ये मिशन रायपुर, महासमुंद, गरियाबंद, दुर्ग,बेमेतरा, बालोद,राजनांदगांव, कबीरधाम, बस्तर, दंतेवाड़ा, नारायणपुर, बीजापुर, कांकेर, कोरबा अऊ जशपुर जिला म संचालित करे जाही।
प्रधानमंत्री श्री नरेन्द्र मोदी ए महीना के आठ तारीक के दिन अंतर्राष्ट्रीय महिला दिवस के अवसर म राजस्थान के झुुुंझनू म पूरा देश बर ए मिशन के शुभारंभ करहीं। छत्तीसगढ़ सरकार ह राज्य म ए मिशन बर अपन तैयारी शुरू कर दे हे। महिला अउर बाल विकास मंत्री श्रीमती रमशीला साहू ह आज इहां नवीन थिरावन भवन के सभाकक्ष म राष्ट्रीय पोषण मिशन बर चुने गए जिला मन म एखर बर होवत तैयारी मन के समीक्षा करिन।



मुहाचाही:  रमशीला साहू ले सुश्री प्रतिभा एल एस ह करिस सौजन्य मुलाकात