केदार कश्यप

राष्ट्रीय स्तर के सुविधा मन ले राज्य म शिक्षा के परिवेश बेहतर होए हे – श्री केदार कश्यप

रायपुर, 8 मई 2018। स्कूल शिक्षा मंत्री श्री केदार कश्यप आज इहां जी.ई.सी. कैम्पस सेजबहार रायपुर म हाईस्कूल के शिक्षक मन बर कार्यशाला ‘‘शिक्षण प्रशिक्षण कार्यक्रम’’ म सामिल होइन। दू दिवसीय प्रशिक्षण कार्यक्रम आज ले शुरू होए हे।
श्री कश्यप ह कहिन के मुख्यमंत्री डॉ. रमन सिंह जी के मार्गदर्शन म विद्यालयीन शिक्षा अउ उच्‍च शिक्षा के क्षेत्र म उच्‍च कोटि के सुविधा अउ संसाधन देहे गए हे, जेखर से राष्ट्रीय स्तर के शैक्षणिक सुविधा मिले ले राज्य म शिक्षा के परिवेश म बेहतर सकारात्मक बदलाव आए हे। आज हमार राज्य म आई.आई.एम., आई.आई.टी., एन.आई.टी., एम्स, पत्रकारिता विश्वविद्यालय, विधि विश्वविद्यालय, केन्द्रीय विद्यालय, ट्रिपल आईटी, सीपेट जइसे कई उच्‍च संस्थान हवय। राज्य के युवा मन ल शिक्षा बर बाहिर नइ जाना परय एखर खातिर राज्य सरकार सरलग उदीम करत हे।




ए अवसर म राज्य शैक्षिक अनुसंधान अउ प्रशिक्षण परिषद के संचालक श्री सुधीर अग्रवाल, आई.आई.टी भिलाई के निदेशक प्रो. रजत मून, शिक्षक प्रशिक्षण कार्यक्रम के समन्वयक डॉ. संजीव बनर्जी, प्रशिक्षणार्थी शिक्षकगण संग आई.आई.टी के स्टॉफ मौजूद रहिन।


मुहाचाही:  प्रभारी मंत्री केदार कश्यप ह कासोली म गांव वाले मन ले भेंटकरके समस्या-शिकायत के निराकरण के लीन जानकारी