राजेश मूणत रायपुर

लोक निर्माण मंत्री श्री मूणत ह ‘हाइड्रोसीडिंग’ ले घास लगाय के तकनीक के करिस अवलोकन

रायपुर, 09 जुलाई 2018। लोक निर्माण अऊ आवास अउ पर्यावरण मंत्री श्री राजेश मूणत के उपस्थिति म आज इहां सिविल लाइन स्थित ऊंखर निवास कार्यालय म अत्याधुनिक मशीन ‘हाइड्रो सीडिंग’ ले घास लगाय के तकनीक के प्रस्तुतीकरण दे गीस। ए दौरान परयोग के बतौर श्री मूणत के निवास कार्यालय के तीर डॉ. अम्बेडकर मंगल भवन के परिसर म हाइड्रोसीडिंग मशीन ले घास लगाए गीस।
देहरादून के एक निजी संस्थान कोति ले ए तकनीक ले घास लगाय के अपन प्रस्तुतीकरण म बताए गीस के हाइड्रोसीडिंग मशीन ले रोजे करीबन 40 हजार वर्गफीट जमीन म घास लगाए जा सकत हे। एखर ले मैदानी क्षेत्र के अलावा पहाड़ी क्षेत्र आदि दुर्गम स्थल मन म घलोक आसानी ले घास लगाय के काम करे जा सकत हे। हाइड्रोसीडिंग मशीन के संग सड़क किनारे खाली पड़े जगह, सड़क के डिवाइडर अउ रिटेनिंगवाल अऊ गार्डन आदि स्थान मन म घलोक सुविधापूर्वक घास लगाय के काम हो सकही। एखर से हरेक जघा म बहुत कम समय म बीज अऊ जरूरी उर्वरा ल एक संग मिलाके घास लगाय के काम आसान हो जाथे, जऊन क्षेत्र म हरियाली बढ़ाए अऊ ओखर सौंदर्यीकरण म काफी मददगार हे। ए अवसर म लोक निर्माण विभाग के विशेष कर्तव्यस्थ अधिकारी श्री अनिल राय, प्रमुख अभियंता श्री डी.के. प्रधान अउ नगर पालिक निगम रायपुर के आयुक्त श्री रजत बंसल अऊ संबंधित विभागीय अधिकारी बड़ संख्या म मौजूद रहिन।



मुहाचाही:  मुख्यमंत्री ले राज्य हज कमेटी के पदाधिकारी मन ह करिन सौजन्य मुलाकात