राजेश मूणत रायपुर

लोक निर्माण मंत्री ह करिस राजधानी के शहीद मनमोहन सिंह बख्शी वार्ड के भ्रमण

रायपुर, 08 अगस्त 2018। लोक निर्माण मंत्री श्री राजेश मूणत ह आज राजधानी रायपुर स्थित शहीद मनमोहन सिंह बख्शी वार्ड के कई ठन पारा-मोहल्ला म भ्रमण करके नागरिक मन ले मुलाकात करिन। उमन उहां गली-मोहल्ला म पानी निकासी अऊ बिजली अउ पेयजल आपूर्ति आदि व्यवस्था के बारे म विस्तार ले जानकारी लीन। श्री मूणत ह ए दौरान नगर निगम के अधिकारी मन ल वार्ड के नियमित साफ-सफाई व्यवस्था म घलोक सतत निगरानी रखे बर जरूरी निर्देश दीन। श्री मूणत ह शहीद मनमोहन सिंह बख्शी वार्ड के अंतर्गत ढीमर पारा, हितेश्वरी नगर अउ ज्योति नगर आदि मोहल्ला के सघन भ्रमण करिन। उमन उहां नागरिक मन ले मुलाकात करत बताइस कि सरकार कोति ले रायपुर शहर ल सुन्दर स्वरूप देहे बर बहुत अकन विकास काम कराए जात हे। एखर तहत हर एक वार्ड म सुगम आवाजाही बर सड़क मन के चौड़ीकरण संग गली-गली म सीसी रोड के काम काफी तादाद म कराए जात हे। अइसनहे हरेक मोहल्ला म सुगम पेयजल के आपूर्ति बर पाईप लाईन के विस्तार अऊ पानी टंकी मन के निर्माण कराए जात हे।



मुहाचाही:  आबादी पट्टा वितरण के प्रकिया जल्दी शुरू करे के निर्देश