डॉ. रमन सिंह नारायणपुर विकास यात्रा

विकास यात्रा पहुंचिस नारायणपुर : स्वागत बर उमड़ीस जन सैलाब

  • मुख्यमंत्री ह करिन बड़का घोषणा : नारायणपुर म जल्दी शुरू होही जिला अउ सत्र न्यायालय
  • अम्बेडकर पार्क बर 50 लाख रूपिया, रायपुर-ओरछा बस सेवा चालू करे के अनुमति
  • जिला के विकास बर दीन 223 करोड़ रूपिया ले जादा लागत ले विकास काम मन के सौगात

रायपुर, 14 मई 2018/ मुख्यमंत्री डॉ. रमन सिंह के नेतृत्व म प्रदेश व्यापी विकास यात्रा के आज नारायणपुर पहुंचे म गांव वाले मन ह बड़ उछहह के संग उंखर स्वागत करिन। नारायणपुर म आयोजित आम सभा म गांव वाले मन ह मुख्यमंत्री ल तीरधनुष भेंट करके अऊ पागा पहिरा के उंखर आदिवासी परम्परा के अनुसार आत्मीय स्वागत करिन। डॉ. सिंह ह ए अवसर म नारायणपुर जिला के विकास बर करीबन 223 करोड़ 34 लाख रूपिया के लागत के 77 कई ठन निर्माण अऊ विकास काम मन के भूमि पूजन अऊ शिलान्यास करिन। ए काम मन म ले मुख्यमंत्री ह 47 करोड़ 32 लाख रूपिया के लागत के 18 निर्माण काम मन के लोकार्पण अऊ लगभग 176 करोड़ के 59 काम मन के भूमि पूजन अऊ शिलान्यास करिन। ए अवसर म उच्च शिक्षा मंत्री श्री प्रेमप्रकाश पाण्डेय अऊ आदिम जाति कल्याण मंत्री श्री केदार कश्यप संग बहुत अकन जनप्रतिनिधि अऊ ग्रामीण बड़ संख्या म उपस्थित रहिन।
मुख्यमंत्री ह जनप्रतिनिधि अऊ गांव वाले मन के आग्रह म नारायणपुर म अम्बेडकर पार्क बर 50 लाख के स्वीकृति, नारायणपुर जिला मुख्यालय के मुख्य सड़क मार्ग (3 किलोमीटर) चौड़ीकरण अऊ राजधानी रायपुर ले ओरछा (अबूझमाड़) तक बस चलाय के अनुमति प्रदान करे के घोषणा करिन। मुख्यमंत्री ह नारायणपुर म जिला अउ सत्र न्यायालय लउहे शुरू करे के आश्वासन घलोक दीन। ए खातिर राज्य शासन कोती उचित पहल करे जाही।

मुहाचाही:  मुख्यमंत्री ले बलौदाबाजार जिला के मितानिन मन ह करिन मुलाकात