डॉ. रमन सिंह विकास यात्रा

विकास यात्रा 2018 : मुख्यमंत्री डॉ. रमन सिंह ह 32 गांव मन ल दीन पेयजल के सौगात

  • कोसारटेडा ग्रामीण समूह जल प्रदाय योजना ले 29 गांव मन के 57 हजार 500 ले जादा मनखे मन बर होइस शुद्ध पेयजल के व्यवस्था

रायपुर, 16 मई 2018। मुख्यमंत्री डॉ. रमन सिंह ह विकास यात्रा म बस्तर जिला के बस्तर अऊ बकावंड विकास खण्ड के 32 गांव मन के करीबन 62 हजार 500 ले जादा आबादी ल शुद्ध पेयजल के सौगात दीन। मुख्यमंत्री विकास यात्रा के पहिली चरण के दूसर दिन 13 मई के दिन विकास रथ ले बस्तर विकास खण्ड के भानपुरी पहुंचिन अऊ उहां स्वागत समारोह म सामिल होइन। उमन उही समारोह म 50 करोड़ 96 लाख रूपिया लागत के चार जल प्रदाय योजना मन के लोकार्पण करिन। एमां कोसारटेडा ग्रामीण समूह जल योजना, छिंदगांव नल जल योजना, बड़े आमाबेल नलजल योजना अऊ पाहूरबेल नलजल योजना सामिल हे। ए समारोह म राजस्व मंत्री श्री प्रेम प्रकाश पाण्डेय, लोक स्वास्थ्य मंत्री श्री केदार कश्यप, बस्तर लोकसभा सांसद श्री दिनेश कश्यप संग आन स्थानीय जनप्रतिनिधि उपस्थित रहिन।
कोसारटेडा ग्रामीण समूह जल प्रदाय योजना म 49 करोड़ 76 लाख रूपिया के लागत आये हे। ए योजना ले कोसारटेडा सिंचाई जलाशय ले बस्तर विकासखण्ड के 29 गांव मन के 57 हजार 500 ले जादा जनसंख्या ल पेयजल अऊ निस्तारी के सुविधा मिलत हे। योजना ले खड़का, जामगांव, बाकेल, बेसोली, देवड़ा, सोनारपाल, सिवनी, विश्रामपुरी, भानपुरी, तारागांव, मंजुला, करणडोला, बोदनपाल, तुरपुरा, पल्लीभाठा, केषरपाल, नाहरनी मुरकुची, कुमली, फाफनी, पिपलावंड, सितलावंड, माउलीगुड़ा, सालेमेटा, चुरावंड एक-दो खंडसरा, सोरगांव, नंदपुरा अऊ बनियागांव के मनखे मन ल पेयजल अऊ निस्तारी के चिंता ले मुक्ति मिल गए हे। ए गांव मन म पाईप लाईन बिछाके पानी के आपूर्ति करे जात हे। एमां ले 16 गांव मन म उच्‍च स्तरीय पानी टंकी बनाए गए हे। कोसारटेडा जलाशय तीर जल शोधन संयंत्र स्थापित करे गए हे। इही म सम्पवेल कम पम्प हाउस बनाए गए हे। सबो गांव मन म पानी के आपूर्ति करे बर 238 किलो मीटर पाईप लाईन बिछाए गए हे। तीन रॉ वाटर पम्प अऊ तीन साफ पानी पम्प लगाए गए हे। योजना के संचालन म लगे कर्मचारी मन बर आठ क्वार्टर घलोक बनाय गए हे। ए योजना बर 100 के.व्ही. के ट्रांसफार्मर अलग ले लगाए गए हे।
छिंदगांव नल जल योजना (विकास खण्ड बकावंड) ले छिंदगांव के 17 सौ ले जादा आबादी ल साफ पानी मिलत हे। ए योजना म 42 लाख 82 हजार रूपिया के लागत आए हे। बडे़ आमाबेल नल जल योजना के निर्माण 39 लाख 37 हजार रूपिया ले करे गए हे। एखर से बड़े आमाबेल गांव के करीबन 16 सौ मनखे लाभांवित होवत हे। पाहूरबेल गांव म 38 लाख रूपिया के लागत ले नल जल योजना ल निर्माण करे गए हे। पाहूरबेल के 15 सौ के जनसंख्या ल पीए अऊ निस्तारी बर पानी देहे जात हे।

मुहाचाही:  जशपुर जिला के पहाड़ी कोरवा बहुल ग्राम पंचायत के सरपंच मन देखिन विधानसभा के कार्रवाई