Pradesh रायपुर

विधानसभा आम चुनाव: निर्वाचन आयोग के महानिदेशक के वीडियो कान्फ्रेंसिंग

छत्तीसगढ़ म अवइया विधानसभा आम निर्वाचन के समय मीडिया प्रमाणनन अऊ – पेड न्यूज के संबंध म भारत निर्वाचन आयोग के महानिदेशक श्री धीरेन्द्र ओझा ह आज वीडियो कॉन्फ्रेंसिंग के संग तैयारी मन के समीक्षा करिन अऊ एखर संबंध म जरूरी दिशा निर्देश दीन।
महानिदेशक श्री ओझा ह बताइस कि विधानसभा निर्वाचन के समय राज्य स्तर अऊ सबो जिला स्तर म मीडिया प्रमाणनन अऊ अनुवीक्षण समिति मन रहिहीं। ये समिति मन राजनीतिक दल या अभ्यर्थि मन से इलेक्ट्रॉनिक, सोशल मीडिया अऊ प्रिंट मीडिया के माध्यम ले जारी करे वाले विज्ञापन मन के प्रमाणीकरण, पेड न्यूज के मॉनिटरिंग अऊ लोक प्रतिनिधित्व अधिनियम अउ आदर्श आचरण संहिता के क्रियान्वयन के सतत् निगरानी करहीं। ये समिति मन निरधारित समयावधि म जरूरी कार्यवाही बर संबंधित रिटर्निंग अधिकारी के संज्ञान म अइसन मामला ल लाहीं। पाम्पलेट अऊ ब्रोशर म प्रिंटर्स अऊ प्रकाशक के नाम अनिवार्य रूप ले होना चाही। एकर प्रति घलोक एमसीएमसी ल अनिवार्य रूप ले देना होही। उमन बताइस कि मतदान समाप्ति के समय के आधा घण्टा बाद ही एक्जिट पोल जारी करे जा सकही। उन्‍हें ओपिनियन पोल इलेक्ट्रानिक मीडिया म मतदान के 48 घण्टा पहिली ले प्रतिबंधित रहिही। विज्ञापन, पोस्टर, ब्रोशर आदि सबो प्रचार सामान लोक प्रतिनिधित्व अधिनियम अऊ आदर्श आचरण संहिता के दायरा म आही। एकर उल्लघंन होए म संबंधित अधिनियम के तहत रिटर्निंग अधिकारी कार्रवाई करही।
ए वीडियो कान्फ्रेंस के माध्यम ले देहे गये प्रशिक्षण म महानिदेशक ह प्रति हफ्ता जिला निर्वाचन अधिकारी के माध्यम ले एक रिपोट मुख्य निर्वाचन पदाधिकारी ल प्रेषित करे के निर्देश घलोक दीन हे। उमन बताइन के मुख्य निर्वाचन पदाधिकारी जिला मन ले प्राप्त संकलित रिपोट भारत निर्वाचन आयोग ल भेजहीं।

मुहाचाही:  स्वास्थ्य मंत्री स्वैच्छिक रक्तदान करइया मनखे अउ संस्था मन ल करहीं सम्मानित