Pradesh

विधानसभा आम चुनाव 2018 के घोषणा जारी

भारत निर्वाचन आयोग कोति ले छत्तीसगढ़ विधानसभा आम चुनाव 2018 के कार्यक्रम के घोषणा कर दे गए हे। निर्वाचन कार्यक्रम के घोषणा के संगेच राज्य म आदर्श आचार संहिता प्रभावशील कर दे गए हे। निर्वाचन कार्यक्रम के घोषणा के अनुसार राज्य म दू चरन म चुनाव संपन्न कराए जाही।
पहिली चरण म 12 नवंबर, 2018 के दिन 18 विधानसभा क्षेत्र म अउ दूसर चरण म 20 नवंबर, 2018 के दिन बांचे 72 विघानसभा क्षेत्र म निर्वाचन कराए जाही।

निर्वाचन कार्यक्रम:- पहिली चरण दूसर चरण
(18 विधानसभा म) (72 विधानसभा म)
निर्वाचन के अधिसूचना के प्रकाशन दिनांक 16.10.2018 दिनांक 26.10.2018
नामांकन भरे के आखरी तारीक दिनांक 23.10.2018 दिनांक 02.11.2018
नाम निर्देशन पत्र के जांच दिनांक 24.10.2018 दिनांक 03.11.2018
नाम निर्देशन पत्र के वापसी दिनांक 26.10.2018 दिनांक 05.11.2018
मतदान दिनांक 12.11.2018 दिनांक 20.11.2018
मतगणना दिनांक 11.12.2018

विधानसभा आम निर्वाचन 2018 के मतगणना 11 दिसंबर, 2018 के दिन होही। हरेक विधानसभा क्षेत्र म यथासंभव 05 पिंक बूथ (महिला मतदान केन्द्र) स्थापित करे जाही। इलेट्रॉनिक ट्रांसर्फर आफ पोस्टल बैलेट सेवा मतदाता म जारी करे जाही। सिविजिल सुविधा समाधान सुगम सबो मोबाईल एप निर्वाचन प्रक्रिया अधिसूचना जारी करे के दिनांक ले क्रियाशील हो जाही। हर एक मतदाता केन्द्र म मतदाता सहायता केन्द्र होही।
ए निर्वाचन म EVM मशीन के संग पहली बार VV PAT के उपयोग करे जाही। राज्य म विधानसभा आम निर्वाचन 2018 के तैयारी पूर्ण कर ले गए हे।
प्रदेश के 27 जिला मन के 90 विधानसभा क्षेत्र मन म वामपंथ प्रभावित 16 जिला अउ 18 विधानसभा हे। प्रदेश म कुल 1 करोड़ 85 लाख 45 हजार 8 सौ 19 मतदाता हे जेमा 92 लाख 95 हजार 3 सौ एक पुरूष अउ 92 लाख 49 हजारा 4 सौ 59 महिला मतदाता हे। तेमा ले तीसर लिंग 1 हजार 59 हे।
प्रदेश म कुल 23 हजार 6 सौ 32 मतदान केन्द्र हे। जेमा 19 हजार 2 सौ 40 ग्रामीण क्षेत्र म अउ 4 हजार 3 सौ 92 शहरी क्षेत्र म हे।
प्रदेश के 23 हजार 6 सौ 32 मतदान केन्द्र मन म 5 हजार 6 सौ 25 संवेदनशील मतदान केन्द्र हे।
प्रदेश म 90 रिर्टरिंग आफिसर अउ 180 सहायक रिर्टरिंग आफिसर के नियुक्ति कर ओ मन ल प्रशिक्षित कर दे गए हे। सबो मन निर्वाचन संबंधी लेहे गए परीक्षा म पास हो गए हें।
विधानसभा निर्वाचन बर बहुत सुरक्षा बल के व्यवस्था के जा रही हे।

मुहाचाही:  सांस्कृतिक धरोहर मन अउ हुनर मन ल सहेजे के जिम्मेदारी सबके ये

प्रेस नोट : भारत निर्वाचन आयोग द्वारा छत्तीसगढ़ में विधानसभा निर्वाचन की घोषणा जारी…Click here