Pradesh prashasan अजय सिंह

विधानसभा निर्वाचन के प्रशासनिक तियारी सुरु: मुख्य सचिव ह करिस समीक्षा

मुख्य सचिव श्री अजय सिंह ह आज इहां मंत्रालय महानदी भवन म विधानसभा निर्वाचन 2018 के प्रशासनिक तियारी के समीक्षा कई ठन विभाग के अधिकारी मन के बैठक म करिन। मुख्य सचिव ह विधानसभा निर्वाचन के तियारी के संबंध म कई ठन विभाग मन के अधिकारी मन के जिम्मेदारी तय करे हें। उमन अधिकारी मन ल मतदाता जागरूक अभियान शासकीय कार्यालयअऊ सार्वजनिक स्थलों म चलाय के निर्देश देहे हें। 
मुख्य सचिव ह विधानसभा निर्वाचन के विभागीय तियारी बर कई ठन विभाग मन के जिम्मेदारी तय करें हे ये मां सबो जिला मन के जिला निर्वाचन अधिकारी मन के वेबसाईड अपडेट रखे जाय बर सूचना प्रौद्योगिकी विभाग, राज्य सूचना अधिकारी अऊ राष्ट्रीय सूचना केन्द्र के अधिकारी मन ल जिम्मेदारी दे हे हें। मतदान केन्द्र मन म पेयजल के व्यवस्था लोक स्वास्थ्य यांत्रिकी विभाग के अधिकारी करहीं। मतदान केन्द्र मन म प्रसाधन आदि के व्यवस्था पंचायत अउ ग्रामीण विकास अऊ नगरीय विकास विभाग कोति ले करे जाही। मतदान केन्द्र मन म बिजली के व्यवस्था ऊर्जा विभाग करही। राज्य के सबो जिला मन म दूरसंचार व्यवस्था ल सुदृढ़ करे के काम सूचना प्रौद्योगिकी अऊ भारत संचार निगम लिमिटेड के अधिकारी सुनिश्चित करहीं। रोड नेटवर्क सुधारे के काम लोक निर्माण, पंचायत अऊ वन विभाग करही। राज्य के वामपंथ उग्रवाद प्रभावित क्षेत्र मन म निर्वाचन संबंधी सबो जरूरी तियारी गृह विभाग कोति ले करे जाही। निर्वाचन के समय राज्य म कहूँ भी अवैध मंदिरा के विक्रय नइ होवे अउ अवैध नगदी धन जप्ति आदि म जल्दी कार्यवाही आबकारी विभाग अऊ गृह विभाग करही। एही प्रकार निर्वाचन संबंधी अपराध मन के निर्वतन म गृह विभाग जल्दी कार्यवाही सुनिश्चित करही।
बैठक म पुलिस महानिदेशक श्री ए.एन. उपाध्याय, कृषि विभाग के अपर मुख्य सचिव श्री सुनील कुजूर, वन विभाग के अपर मुख्य सचिव श्री से.के. खेतान, ग्रामीण विकास विभाग के सचिव श्री आर.पी. मण्डल, वित्त अउर गृह विभाग के प्रमुख सचिव श्री अमिताभ जैन, सामान्य प्रशासन विभाग के सचिव सुश्री रीता शांडिल्य, राजस्व विभाग के सचिव श्री एन.के. खाखा संग लोक निर्माण, वाणिज्यिककर (आबकारी), अनुसूचित जाति अउर जनजाति, लोक स्वास्थ्य यांत्रिकी, स्वास्थ्य, नगरीय प्रशासन, ऊर्जा, भारत संचार निगम लिमिटेड, राष्ट्रीय सूचना केन्द्र, जनसम्पर्क विभाग के अधिकारी संग आन विभाग मन के वरिष्ठ अधिकारी मौजूद रहिन।

मुहाचाही:  मुख्यमंत्री ले सुश्री नम्रता जैन करिस सौजन्य मुलाकात