Success Stories Success story डॉ. रमन सिंह

सांकरा ग्राम पंचायत ल मिलीस दीनदयाल उपाध्याय पंचायत सशक्तिकरण पुरस्कार

रायपुर, 8 मई 2018। मुख्यमंत्री डॉ. रमन सिंह ह धमतरी जिला के सांकरा ग्राम पंचायत ल ग्राम पंचायत के उत्कृष्ट काम मन बर ‘दीनदयाल उपाध्याय पंचायत सशक्तिकरण पंचायत पुरस्कार’ ले सम्मानित होए म ग्राम पंचायत के सरपंच श्रीमती सती मरकाम संग पंच अऊ गांव वाले मन ल बधाई अऊ शुभकामना देहे हें। मुख्यमंत्री ले आज इहां ऊंखर निवास कार्यालय म विधायक श्री श्रवण मरकाम के नेतृत्व म सांकरा ग्राम पंचायत के प्रतिनिधि मण्डल ह सौजन्य मुलाकात करके ओ मन ल ग्राम पंचायत के ए उपलब्धि के जानकारी दीन। सरपंच श्रीमती मरकाम ह मुख्यमंत्री ल बताइस कि राष्ट्रीय पंचायत दिवस 24 अपरेल के दिन मध्यप्रदेश के जबलपुर म आयोजित कार्यक्रम म केन्द्रीय पंचायत अउ ग्रामीण विकास मंत्री श्री नरेंद्र तोमर ह ये पुरस्कार प्रदान करिन। ए अवसर म सांकरा ग्राम पंचायत के बहुत अकन पंच अऊ ग्रामीण बड़ संख्या म उपस्थित रहिन।


मुहाचाही:  नक्सल हमला: मुख्यमंत्री ह लीन आपात बैठक