Pradesh अजय चन्द्राकर धमतरी

सांस्कृतिक धरोहर मन अउ हुनर मन ल सहेजे के जिम्मेदारी सबके ये

संस्कृति विभाग कोति ले कुरूद म आयोजित शिल्प कला प्रशिक्षण ‘आकार‘ के समापन अवसर म पहुंचिन पंचायत मंत्री

धमतरी, 11 मई 2018। बिना मंच के प्रतिभा मन दम तोड़ देथे अऊ अइसन आयोजन मन के पीछू मनखे मन के सकारात्मक सोच काम करथे। कुरूद क्षेत्र म इही पारम्परिक धरोहर अउ हुनर मन ल सहेजे के प्रयास संस्कृति विभाग के सहयोग ले करे गीस अउ एला अऊ आगू घलोक प्रोत्साहित करे अउ संजोने के जिम्मेदारी हम सबके हे। प्रदेश के पंचायत अउ ग्रामीण विकास अउ लोक स्वास्थ्य मंत्री श्री अजय चंद्राकर ह बिरसपत 10 मई के दिन संझा चार बजे शिल्प कला प्रशिक्षण अउ प्रदर्शनी उपर आधारित कार्यक्रम ‘आकार‘ के समापन अवसर म ये बात के उद्गार प्रकट करिन। कुरूद के शासकीय कन्या उच्चतर माध्यमिक विद्यालय परिसर म एक मई ले चलत दस दिवसीय प्रशिक्षण कार्यक्रम के समापन के मौका म जिला पंचायत अध्यक्ष श्री रघुनंदन साहू, जनपद पंचायत कुरूद के अध्यक्ष श्रीमती पूर्णिमा साहू, नगर पंचायत कुरूद के अध्यक्ष श्री रविकांत चंद्राकर, पूर्व अध्यक्ष श्री निरंजन सिन्हा अउ श्रीमती ज्योति चंद्राकर संग संस्कृति विभाग के संचालक श्री जितेन्द्र शुक्ला मंच म उपस्थित रहिन।


मुहाचाही:  बबई राम के जीवन म आईस खुशहाली