Court Desh

सुप्रीम कोर्ट ह मुल्लापेरियार बांध के जल स्तर घटाय ल कहिस

सुप्रीम कोर्ट ह केरल के उपसमिति ले मुल्लापेरियार बांध के जल स्तर कम करे के संभावना मन ल तलाशले ल कहे हे, अदालत ह केरल अऊ तमिलनाडु सरकार ल जलस्तर घटाय अऊ पुनर्वास म राष्ट्रीय आपदा प्रबंधन समिति के निर्देश मन के पालन करे के निर्देश देहे हे।
न्यायालय ह राष्ट्रीय आपदा प्रबंधन समिति अऊ बाढ़ के स्थिति ले निबटे बर केरल सरकार कोति ले बने उपसमिति ल कहिस के मुल्लापेरियार बांध के जल स्तर कम करे के संभावना मन ल खोजे जाय। चीफ जस्टिस दीपक मिश्रा अऊ जस्टिस धनंजय वाई चंद्रचूड़ के पीठ ह केरल अऊ तमिलनाडु सरकार ले कहिन कि बेघर मनखे मन के पुनर्वास अऊ बांध के जल स्तर घटाय बर राष्ट्रीय आपदा प्रबंधन समिति के निर्देश मन के पालन करव। पीठ ह कहिस के वो अइसन गंभीर प्राकृतिक आपदा ले निबटे म विशेषज्ञ नइ हे अऊ आपदा म काबू पाय के मामला कार्यपालिका उपर छोड़त हे। अदालत ह केरल सरकार ल आपदा प्रबंधन अऊ पुनर्वास उपाय मन के बारे म उठाए गए कदम मन उपर एक रिपोट पेश करे के निर्देश देहे हे।

मुहाचाही:  मॉब लिंचिंग म सुप्रीम कोर्ट कड़क