Chhattisgarhi prashasan

11 झन बनिन डीएसपी

रायपुर, 29 मई 2017। राज्य सरकार ह छत्तीसगढ़ लोक सेवा आयोग कोति ले आयोजित राज्य सेवा परीक्षा 2015 के परीक्षा के परिणाम के आधार म राज्य पुलिस सेवा (उप पुलिस अधीक्षक) के पद म 11 झन के नियुक्ति आदेश जारी करे हे। गृह (पुलिस) विभाग कोति ले सनिवार 27 मई के दिन इहां मंत्रालय (महानदी भवन) ले जारी आदेश के तहत उम्मीदवार मन ल ऊंखर कार्यभार ग्रहण करे के तारीक ले दू साल के परिवीक्षा म राज्य पुलिस सेवा के कनिष्ठ श्रेणी वेतनमान रूपया 15600-39100 ग्रेड पे 5400 म उप पुलिस अधीक्षक के पद म नियुक्त करत पुलिस प्रशिक्षण अकादमी चंदखुरी रायपुर म पदस्थ करे गए हे। नियुक्ति आदेश म श्री प्रभात पटेल, श्री सौरभ उइके, कु. आशा कुमारी सेन, श्री अभिनव उपाध्याय, श्री हरीश कुमार पाटिल, कु. उन्नति ठाकुर, कु. कल्पना वर्मा, कु. आशा रानी, श्री भावेश कुमार समरथ, श्री अभिषेक पैकरा अउ अमरनाथ सिदार सामिल हावंय।

मुहाचाही:  प्रसिद्ध अभिनेता अनुपम खेर ह करिस रमन ऐप के लोकार्पण

Leave a Reply

Your email address will not be published. Required fields are marked *