Yojana

संचार क्रांति योजना के हितग्राही मन बर स्पेशल रिचार्ज प्लान के घोषणा

  • मुख्यमंत्री डॉ. रमन सिंह के निर्देश म चिप्स ह बनाइस स्पेशल प्लान
  • बाजार ले छै गुना कम कीमत म सिरिफ 12 रूपिया म कॉलिंग सुविधा संग दू दिन के डेटा मिलही फोकट म

रायपुर, 18 अगस्त 2018। संचार क्रांति योजना (स्काई) के मोबाइल फोन धारक हितग्राही मन बर स्पेशल रिचार्ज प्लान के घोषणा करे गए हे। मुख्यमंत्री डॉ. रमन सिंह ले मिले निर्देश के मुताबिक प्रदेश सरकार के संस्था छत्तीसगढ़ इंफोटेक प्रमोशन सोसायटी (चिप्स) के अधिकारी मन ह मोबाइल कम्पनी जियो के वरिष्ठ अधिकारी मन ले गोठ बात करके हितग्राही मन ल 12 रूपिया के स्पेशल रिचार्ज पैकेज देहे के घोषणा करे हे।
चिप्स के अधिकारी मन ह आज बताइन के संचार क्रांति योजना के तहत राज्य शासन कोति ले हितग्राही मन ल 4जी स्मार्ट फोन के संग अवइया छै महिना बर एक जीबी डेटा अऊ 100 मिनट के टॉकटाइम निःशुल्क देहे जात हे। इही कड़ी म हितग्राही मन बर विशेष रिचार्ज प्लान बनाय गए हे।




अधिकारी मन ह बताइन के दू दिन के वैधता वाले ए पैकेज म हितग्राही मन ल हरेक दिन 0.5 जीबी के हाईस्पीड 4जी डेटा मने दू दिन म कुल एक जीबी डेटा खुला बाजार ले करीबन छै गुना कम कीमत म सिरिफ 12 रूपिया म मिलही, जकर समाप्ति के बाद 64 केबीपीएस के स्पीड मिलही अऊ जियो ले जियो नेटवर्क म अनलिमिटेड कॉलिंग के सुविधा घलोक मिलही। एखर अलावा आन मोबाइल नेटवर्क मन म घलोक हरेक दिन 25 मिनट मने कुल 50 मिनट के टॉकटाइम निःशुल्क मिलही। ए विशेष रिचार्ज प्लान ले हितग्राही मन ल हर एक रिचार्ज म 58 रूपिया के बचत होही।

मुहाचाही:  छत्तीसगढ़ म 15 अगस्त तक खुल जाही 650 हेल्थ एंड वेलनेस सेंटर