डॉ. रमन सिंह

मुख्यमंत्री ह करिस प्रदेश के विकास उपर केन्द्रित पुस्तक ‘चौदह साल’ के विमोचन

रायपुर, 03 अप्रैल 2018। मुख्यमंत्री डॉ. रमन सिंह ह आज इहां मंत्रालय स्थित अपन कार्यालय कक्ष म ‘14 साल – डॉ. रमन सिंह’ शीर्षक ले प्रकाशित सचित्र पुस्तक के विमोचन करिन। ये पुस्तक मुख्यमंत्री डॉ. रमन सिंह के नेतृत्व म पाछू 14 बछर म होए प्रदेश के विकास उपर केन्द्रित हे। पुस्तक के प्रकाशन एक निजी टी.व्ही. समाचार चैनल कोति ले करे गए हे। ए अवसर म छत्तीसगढ़ राज्य वित्त आयोग के अध्यक्ष श्री चंद्रशेखर साहू घलोक उपस्थित रहिन। मुख्यमंत्री ह पुस्तक के प्रकाशन म टी.व्ही. चैनल के प्रधान सम्पादक श्री रविकांत मित्तल, सह निदेशक श्री प्रफुल्ल पारे, मुख्य कार्यकारी अधिकारी श्री विद्याधर खटाऊकर, सर्वश्री विवेक पारख अऊ श्री रविकांत डिमोले अउ संस्था ले जुड़े सबो मनखे मन ल बधाई अऊ शुभकामना दीन।


मुहाचाही:  भिलाई म गरीब श्रमिक परिवार मन ल मिलही प्रधानमंत्री आवास