पर्यटन ल बढ़ावा देहे बर जबर उदीम करबो : डॉ. रमन सिंह

मुख्यमंत्री ह जगदलपुर के पुरातत्व संग्रहालय के करिस अवलोकन


img_20161013_220810
मुख्यमंत्री डॉ. रमन सिंह ह कहिस के बस्तर संभाग म पर्यटन ल बढ़ावा देहे बर राज्य सरकार हरसंभव उदीम करत हे। उमन कहिन के जगदलपुर के जिला पुरातत्व संग्रहालय म आकर्षक ढंग ले प्रदर्शित जुन्ना जिनिस मन ले दर्शक मन ल अउ पर्यटक मन ल बस्तर के ऐतिहासिक अउ सांस्कृतिक महत्व ल जाने अउ समझे के अवसर मिलहि।
मुख्यमंत्री ह आज संभागीय मुख्यालय जगदलपुर म स्थित बस्तर जिला पुरातत्व संग्रहालय के अवलोकन के समय अईसन विचार व्यक्त करिन। उमन बस्तर के इतिहास अउ पुरातत्व ले संबंधित कई ठन प्राचीन वस्तु मन ल बड़ दिलचस्पी ले देखिन। जेमा कई प्राचीन मूर्ति, सोन के सिक्का अउ रियासतकालीन बस्तर के जुन्ना बन्दूकें घलव रहिस। उमन पुरातत्व संग्रहालय म बनाए थ्री-डी मॉडल ल घलव देखिन। जेमा चित्रकोट अउ तीर्थगढ़ के जल प्रपात सहित कई प्राकृतिक दृश्य मन ल दिखाये गये हे। ये समय म बस्तर के लोकसभा सांसद श्री दिनेश कश्यप, विधायक अउ छत्तीसगढ़ पर्यटन मण्डल के अध्यक्ष श्री संतोष बाफना, नागरिक आपूर्ति निगम के अध्यक्ष सुश्री लता उसेण्डी, कमिश्नर श्री दिलीप वासनीकर, कलेक्टर श्री अमित कटारिया सहित संबंधित अधिकारी अउ कई स्थानीय जनप्रतिनिधि उपस्थित रहिन हें।

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

2 comments:

  1. shakuntala sharma13 October 2016 at 23:38

    छ्त्तीसगढ म विधाता हर सुंदरता के खजाना देहे हावय । इहां काश्मीर सरिख बस्तर हे तव मनाली सरिख जसपुर अउ शिमला सही अम्बिकापुर हावै । अनमोल अउ अलभ्य सुन्दरता हे । पर्यटन ल बढावा देहे ले, दुनियॉ भर के मनखे हमर छ्त्तीसगढ म आहीं, एहर खुशी के बात ए ।

    ReplyDelete
  2. shakuntala sharma13 October 2016 at 23:50

    छ्त्तीसगढ म विधाता हर सुन्दरता के खजाना देहे हावय । इहॉ काश्मीर सरिख बस्तर हे तव मनाली सरिख जसपुर अउ शिमला सही अम्बिकापुर हावै । अनमोल आउ अलभ्य सुन्दरता हे । पर्यटन ल बढावा देहे ले, दुनियॉ भर के मनखे हमर छ्त्तीसगढ म आहीं, एहर खुशी के बात ए ।

    ReplyDelete