प्रधानमंत्री उज्जवला योजना म 3.18 लाख महिला मन ल मिलिस रसोई गैस कनेक्शन

ujwalaप्रधानमंत्री उज्ज्वला योजना के तहत राज्य म अब तक लगभग साढ़े तीन महीना म तीन लाख 17 हजार 996 गरीब परिवार के महिला मन ल रसोई गैस कनेक्शन देहे गए हे। येमा गांव कोति के दो लाख 72 हजार 489 परिवार, शहरी कोति के 19 हजार 823 परिवार अउ 25 हजार 684 मकान बनाये के काम म लगे मजदूर परिवार के महिला मन ल गैस कनेक्‍सन देहे गए हे। ये योजना के सुरूवात मुख्यमंत्री डॉ. रमन सिंह के माई पगरईत म राजधानी रायपुर म ये साल 13 अगस्त के दिन होए समारोह म केन्द्रीय प्राकृतिक गैस और पेट्रोलियम मंत्री श्री धमेन्द्र प्रधान ह करे रहिन हे।
खाद्य, नागरिक आपूर्ति एवं उपभोक्ता संरक्षण विभाग के अधिकारी मन पाछू दिन बताईन के प्रदेश के जमो 27 जिला म ये योजना के तहत रसोई गैस कनेक्शन देहे जावत हे। अब तक रायपुर जिला म 26 हजार 169 परिवार, बिलासपुर जिला म 26 हजार 08 परिवार, राजनांदगांव जिला म 21 हजार 691 परिवार, धमतरी जिला म 24 हजार 577 परिवार, रायगढ़ जिला म 20 हजार 619 परिवार, जांजगीर-चांपा जिला म 20 हजार 665 परिवार, महासमुंद जिला म 20 हजार 096 परिवार, दुर्ग जिला म 12 हजार 790 परिवार, उत्तर बस्तर (कांकेर) जिला म 13 हजार 485 परिवार, जशपुर जिला म 12 हजार 135 परिवार अउ कोरबा जिला म 11 हजार 431 गरीब परिवार के महिला मन ल रसोई गैस कनेक्शन बांटे गए हे। इही तरा कबीरधाम जिला म 10 हजार 187 परिवार, बालोद जिला म 16 हजार 062 परिवार, बलौदाबाजार-भाटापारा जिला म 10 हजार 799 परिवार, मुंगेली जिला म 11 हजार 936 परिवार, गरियाबंद जिला म 16 हजार 698 परिवार, बस्तर जिला म चार हजार 099 परिवार, कोरिया जिला म 06 हजार 337 परिवार, बेमेतरा जिला म सात हजार 577 परिवार, सरगुजा जिला म सात हजार 204 गरीब परिवार, कोण्डागांव जिला म पांच हजार 761 परिवार, सूरजपुर जिला म चार हजार 678 परिवार, बलरामपुर-रामानुजगंज जिला म तीन हजार 763 परिवार, दक्षिण बस्तर (दंतेवाड़ा) जिला म 902 परिवार, नारायणपुर जिला म एक हजार 472 परिवार, बीजापुर जिला म 579 परिवार और सुकमा जिला म 276 परिवार के महिला मन ल रसोई गैस कनेक्शन देहे गए हे।
ये योजना के तहत सामाजिक-आर्थिक अउ जाति जनगणना वर्ष 2011 के सूची म सामिल बी.पी.एल. परिवार के महिला मुखिया ल एल.पी.जी. कनेक्शन, डबल बर्नर, गैस स्टोव अउ पहिली रिफिल सिलेण्डर केवल 200 रूपए म देहे जात हे। योजना के तहत हरेक हितग्राही परिवार ल लगभग तीन हजार रूपए के आर्थिक सहायता देहे जात हे। येमा 1600 रूपया केन्द्र सरकार अउ 1400 रूपया राज्य सरकार के अंशदान सामिल हे।

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment