नई होईस बड़का धमाका : नोटबंदी के आखिरी दिन प्रधान मंत्री के घोषणा

प्रधानमंत्री मोदी ह आज रतिहा देश के जनता ल अपन संदेस दीन। जम्‍मो झन 8 नवंबर कस कोनों नवा झटका के अगोरा म रहिन फेर मोदी ह कोनों बड़का धमाका नई करिन। अपन भासन म उमन खाल्‍हे म देहे असल गोठ करिन -






शहर के मनखे मन खातिर नौ लाख के कर्ज उपर चार परसेंट के छूूट मिलही अउ उमन ल बारा लाख के कर्जा उपर तीन परसेंट के दे जाही।
गांव के मनखे मन ल अपन घर ल बढ़ाए या चतवारे खातिर दू लाख रूपया करजा देहे जाही जेकर उपर 3 परसेंट के छूट देहे जाही।
जउन किसान मन रबी फसल खातिर करजा लेहे रहिन ओमा साठ दिन के ब्याज सरकार स्‍वयं वहन करही।
तीन करोड़ किसान मन के क्रेडिट कार्ड ल रूपे कार्ड म बदलेे जाही एकर ले किसान मन कहूं भी खरीद-बिक्री कर सकहीं।
छोटे व्यापारी मन के क्रेडिट गारंटी बढ़ा के एक करोड़ ले दू करोड़ रुपयाा कर देहे गए हे।
डिजिटल माध्यम ले ट्रांजक्शन के टैक्स के हिसाब जउन पहिली आठ परसेंट रहिस वो अब छै परसेंट म करे जाही। एकर ले व्यापारी मन उपर टैक्स के बोझा कम होही।
वरिष्ठ नागरिक मन ल साढ़े सात लाख रुपए तक के रकम म दा बछर तक बर सालाना आठ परसेंट के दर ले ब्याज मिलही, जेला वो ह हर महीनाा निकाल सकहीं।
देश के साढ़े छै सौ ले ज्यादा जिला मन म सरकार गर्भवती महिला मन ल पंजीकरण, डिलिवरी, टीकाकरण खातिर छै हजार रुपयाा के मदद दहि।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment