छत्तीसगढ़ के अनन्या हर राष्ट्रीय निबंध प्रतियोगिता म पाइस पहिली स्थान

मुख्यमंत्री हर उज्जवल भविष्य बर दीस आशीर्वाद






रायपुर, 30 जनवरी 2017। मुख्यमंत्री डॉ रमन सिंह ह पेट्रोलियम संरक्षण अनुसंधान संघ ले तेल अऊ गैस संरक्षण विसय म आयोजित निबंध प्रतियोगिता म पहिली स्थान पवइया राजनांदगांव के छात्रा अनन्या हंकारे ल उज्जवल भविष्य बर शुभकामना देवत आशीर्वाद दीन। डॉ. सिंह मेर आज इहां ऊंखर निवास म अनन्या ह सौजन्य मुलाकात कर अपन उपलब्धी के जानकारी दीस। अनन्या राजनांदगांव के नीरज पब्लिक स्कूल के कक्षा नवमीं के छात्रा हे। अनन्या ह मुख्यमंत्री ल बताइस कि ए महिना के 16 तारीक को नयी दिल्ली म आयोजित समारोह म केन्द्रीय पेट्रोलियम मंत्री श्री धर्मेन्द्र प्रधान हर ओला पुरस्कार प्रदान करे हे। अनन्या ल पुरस्कार स्वरूप लैपटॉप अऊ जापान के अध्ययन दौरा म जाय के अवसर मिले हे। ए अवसर म छत्तीसगढ़ समाज कल्याण बोर्ड के अध्यक्ष श्रीमती शोभा सोनी घलोक उपस्थित रहिन।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment