देवदास बंजारे स्मृति सम्मान समारोह

रायपुर, 19 जनवरी 2017। छत्तीसगढ़ के मुख्यमंत्री डॉ. रमन सिंह हर आज राजधानी रायपुर के शहीद स्मारक भवन म आयोजित अन्तर्राष्ट्रीय पंथी नर्तक स्व. देवदास बंजारे स्मृति सम्मान समारोह म पंथी कलाकार, लोक गायक, साहित्यकार अऊ सामाजिक कार्यकर्ता मन ल आयोजक मन कोति ले सम्मानित करिन। ए अवसर म छत्तीसगढ़ के महान समाज सुधारक अऊ सतनाम पंथ के प्रवर्तक गुरू बाबा घासीदास के जन्मस्थली अऊ कर्म स्थली गिरौदपुरी के विशाल जैतखाम उपर भारतीय डाक विभाग द्वारा तैयार विशेष आवरण घलोक जारी करे गीस।



समारोह म स्व. देवदास बंजारे के फोटू म माल्यार्पण करके डॉ. सिंह हर श्रद्धांजलि अर्पित करिन अउ कहिन के छत्तीसगढ़ के संस्कृति अऊ गुरू बाबा घासीदास के प्रेरक उपदेश मन ल देश-विदेश म जन-जन तक पहुंचाए म पंथी कलाकार मन के योगदान बहुत महत्वपूर्ण हवय। मुख्यमंत्री हर ए अवसर म कहिन के पंथी नृत्य गुरू बाबा घासीदास के यशगान आए। बाबा गुरूघासी दास मनखे-मनखे एक समान के संदेश आज से सैकड़ों साल पहिली सरल भाखा म देहे रहिन। समारोह के आयोजन प्रगतिशील छत्तीसगढ़ सतनामी समाज ह करे रहिस। ये अवसर म खाद्य मंत्री श्री पुन्नूलाल मोहले, राज्यसभा सांसद डॉ. भूषण लाल जांगड़े, छत्तीसगढ़ राज्य अनुसूचित जाति आयोग के अध्यक्ष श्री रामजी भारती अऊ पूर्व राज्यसभा सांसद श्री गोविंद लाल गिरी विशेष अतिथि के रूप म उपस्थित रहिन।

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment