जशपुरनगर : केन्द्रीय विद्यालय जशपुर मं प्रवेश बर पंजीयन 8 फरवरी ले





जशपुरनगर। केन्द्रीय विद्यालय जशपुर मं शैक्षणिक सत्र 2017-18 बर कक्षा पहली मं प्रवेश बर ऑनलाईन पंजीकरण 8 फरवरी ले 10 मार्च तक करे जा सकत हे। अऊ कक्षा मन बर पंजीकरण 8 फरवरीे ले 18 अप्रैल तक पंजीयन कराये जा सकत हे। केद्रीय विद्यालय जशपुर के प्राचार्य श्री एन. के. सिन्हा हर बताइन कि कक्षा पहली ले पांचवी तक हर एक कक्षा मं एक अतिरिक्त सेक्शन स्वीकृत होए के कारण प्रवेश बर सीट मिले हे। फेर कक्षा छठवीं ले नवमीं तक कोनो कक्षा मं अभी हाल मं सीट खाली नइ हे। कक्षा पहली मं प्रवेश बर चयन सूची विद्यालय मं 20 मार्च ले अउ आन कक्षा मन बर चयन सूची 25 अपरेल ले प्रकाशित करे जाही। प्राचार्य हर बताइस कि केन्द्रीय विद्यालय संगठन के नियमानुसार प्रवेश बर सब्बो वर्ग मन बर विकल्प खुले हावे। अनुसूचित जाति, अनुसूचित जनजाति, अऊ पिछडा वर्ग, नान क्रीमीलेयर, बी.पी.एल., निःशक्त छात्र मन बर कक्षा पहली मं शिक्षा के अधिकार अधिनियम 2009 के तहत 25 प्रतिशत सीट आरक्षित हे। उमन बताइन कि नवा प्रवेश बर अनुसूचित जनजाति 15 प्रतिशत अऊ अनुसूचित जाति बर 7.5 प्रतिशत सीट आरक्षित हे। प्राचार्य हर बताइस कि निःशक्तता अधिनियम 1995 (समान अवसर, अधिकारों के सुरक्षा अउ पूर्ण प्रतिभागिता) के साथ पठित शिक्षा के अधिकार अधिनियम 2009 के प्रावधान के अनुसार नवा प्रवेश बर कुल मिलत सीट मं से 3 प्रतिशत सीट निःशक्त उम्मीद्वार मन बर आरक्षित होही। इकलौती कन्या संतान बर अलग ले स्थान निरधारित हावे। प्रवेश बर पंजीकरण मं सम्मिलित कोनो कागद जइसन जाति प्रमाण पत्र, सेवा प्रमाण पत्र मं अस्पष्ट अथवा वैध नइ होए के स्थिति मं पंजीयन निरस्त कर दे जाही। ए संबंध मं विस्तृत जानकारी केन्द्रीय विद्यालय के वेबसाईट अऊ केन्द्रीय विद्यालय जशपुर के सूचना परदा म देखे जा सकत हे।



Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment