8 साल नौकरी करे शिक्षाकर्मी मन ल अब सरकारी शिक्षक मन के समान वेतन

अनुकंपा नियुक्ति के टीईटी जरूरी
डीएड करे बर 5 साल के राहत






रायपुर 16 फरवरी 2017। सरकार कोति ले पहिलीच ये बात आ गए रहिस कि शिक्षाकर्मी मन के संविलियन नइ होवय। ए बात के संगें—संग शिक्षाकर्मी मन बर ये खुसी के फेर बात हे कि सरकार कोति ले आठ साल के नौकरी पूरा कराइया शिक्षाकर्मी मन ल सरकारी शिक्षक मन के जइसन वेतनमान दे के तैयारी पूरा कर ले गए हे। पाछू एसीएस के अगुवाई म होए बैठक के आधार म ले गए फैसला म अमल शुरू हो गए हे। बैठक के कार्यवाही विवरण के मुताबिक हर वर्ग के शिक्षाकर्मी मन ल क्रमोन्नत वेतनमान दे के रजामंदी वित्त विभाग के फैसला उपर निर्भर करही। संगें—संग अनुकंपा नियुक्ति बर डीएड के अनिवार्यता रखे गए हे। एती विधि विभाग ह टीईटी म छूट दे ले इंकार कर दे हावे। अनुकंपा नियुक्ति बर निरधारित शैक्षणिक योग्यता अऊ टीईटी होए म सहायक शिक्षक पंचायत के पद म नियुक्त करे जाही। संग म डीएड करे बर पांच साल के छूट दे जाही। आठ साल पूरा करे वाले शिक्षाकर्मी मन बर एक मई 2013 ले वेतनमान स्वीकृत करे गए हे।




Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment