मैं गांव मं जनम धरेंव ते बात के मोला गरब हे : डॉ. रमन सिंह





संत-समागम के समापन मं सामिल होईन मुख्यमंत्री
कहिन के शराबबंदी बर हम उदीम करत रहिबोन
संत कबीर रहिन सत्य के उपासक : डॉ. रमन सिंह
कबीर पंथ के प्रमुख केन्द्र दामाखेड़ा मं मिनी स्टेडियम अऊ स्वास्थ्य केन्द्र भवन संग तीन करोड़ ले जादा के निर्माण कार्य मन के लोकार्पण
हीरा सागर अऊ दया सागर तालाब मन के विकास बर 1.40 करोड़ रूपया के घोषणा


रायपुर, 10 फरवरी 2017। मुख्यमंत्री डॉ. रमन सिंह हर कहिन कि मोला गांव मं पैदा होए म गर्व हे। हम सब मन ल अपन गांवों के खातिर जुराव होना चाही। शराबबंदी के दिशा मं हमरे उदीम सरलग जारी रहिही। मुख्यमंत्री मांघी पुन्‍नी के अवसर म आज मझनिया राज्य मं स्थित कबीर पंथ के प्रमुख आस्था केन्द्र दामाखेड़ा मं छह दिवसीय संत-समागम के समापन समारोह ल सम्बोधित करत रहिन। उमन ए अवसर म कबीरपंथ के प्रमुख श्री प्रकाश मुनि नाम साहब के आशीर्वाद घलोक लीन।


संत-समागम मं हजारों के संख्या मं आए श्रद्धालु अऊ संत-महात्मा मन ल सम्बोधित करत करत डॉ. रमन सिंह हर कहिन के छह सौ साल के लम्बा समय गुजर जाय के बावजूद संत कबीर के विचार आज ले सब बर प्रासंगिक अऊ प्रेरणा दायक हावे। डॉ. सिंह हर कहिन के संत कबीर सत्य के उपासक रहिन। उमन सब्बो धरम के पाखंड ल उजागर करिन अऊ अपन विचार ले अउ अपन वाणी ले वो समें के राजा अऊ बादश मन ल घलोक चुनौती दीन, कोनो ल नई छोडि़न। सबला सच्चाई के रद्दा म चले के प्रेरणा दीन। डॉ. सिंह हर कहिन के संत कबीर ह तत्कालीन समाज मं व्याप्त धार्मिक-सामाजिक विसंगति मन के उपर, छुआछूत अऊ भेदभाव मन के उपर अपन वाणी ले तीखा प्रहार करिन। मनखे मन ल सत्य के मार्ग म चले के प्रेरणा दीन। ओखर वाणी मं सबला भावनात्मक रूप ले बांध लेहे के ताकत रहिस।






मुख्यमंत्री हर ए अवसर म दामाखेड़ा मं तीन करोड़ रूपया से जादा के पूरा होए निर्माण कार्य मन के लोकार्पण करिन, जेमा एक करोड़ 46 लाख रूपया के लागत से बने व्यावसायिक परिसर, 95 लाख 35 हजार रूपया के लागत ले बने शासकीय हायर सेकेण्डरी स्कूल भवन, 31 लाख रूपया के लागत ले बने मिनी स्टेडियम, 22 लाख 48 हजार रूपया के लागत ले बने प्राथमिक स्वास्थ्य केन्द्र भवन अऊ 19 लाख 39 हजार रूपया के लागत ले बने अटल समरसता भवन सामिल हे। डॉ. रमन सिंह ह दामाखेड़ा के दो ऐतिहासिक तालाब हीरासागर अऊ दयासागर के विकास बर एक करोड़ 40 लाख रूपया मंजूर करे के घलोक घोषणा करिन अऊ कहिन कि दुनों तालाबों के विकास छत्तीसगढ़ पर्यटन मंडल कोति ले करे जाही। उमन दुनों तालाबों के रजिस्ट्री पत्र श्री प्रकाशमुनि नाम साहेब ल सौंपिन। मुख्यमंत्री हर ये घलोक कहिन कि अभी दुनों तालाब मन के जीर्णोद्धार अऊ विकास के काम शुरू करे बर राज्य शासन ले 25 लाख रूपया दे जाही।


संत-समागम ल सम्बोधित करत करत मुख्यमंत्री हर कहिन के छत्तीसगढ़ मं दामाखेड़ा संत कबीर के वाणी के प्रमुख केन्द्र बिन्दु हे। ऊंखर विचार ल आगू बढ़ाए अऊ जन-जन तक पहुंचाए के काम इहां श्री प्रकाशमुनि नाम साहेब के नेतृत्व मं होवत हे। डॉ. सिंह हर संत-समागम मं छत्तीसगढ़ सहित देश-विदेश ले हजारों के संख्या मं आए कबीरपंथ के अनुयायी मन अऊ संत-महात्मा मन के स्वागत करत करत कहिन कि छत्तीसगढ़ के जनजीवन मं संत कबीर के विचार ल गहरा प्रभाव आज तको देखे जा सकत हे। संत कबीर हर पूरा दुनिया ल ये संदेश दीन कि हर एक मनुष्य के खून के रंग लाल हे, एखरे सेती दुनिया के सब्बो मनुष्य एक हे।


डॉ. सिंह हर संत-समागम के आयोजन के प्रशंसा करिन अऊ कहिन कि संत-महात्मा मन के आशीर्वाद ले ही मनखे, समाज, राज्य अऊ देश के तरक्की होथे। उमन कहिन के संत-महात्मा मन के आशीर्वाद ले जनता हर मोला पार्षद ले विधायक, सांसद अऊ केन्द्रीय मंत्री बनाइस। सरलग तीन पइत मुख्यमंत्री के रूप मं प्रदेशवासी मन के सेवा के अवसर मिलीस। डॉ. सिंह हर कहिन के छत्तीसगढ़ सरकार राज्य के सब्बो क्षेत्रों अऊ जम्‍मो लोगन के तरक्की अऊ खुशहाली बर काम करत हे। संत समागम ल विधानसभा अध्यक्ष श्री गौरीशंकर अग्रवाल, प्रदेश के पर्यटन अऊ संस्कृति मंत्री श्री दयालदास बघेल अऊ विधायक श्री शिवरतन शर्मा हर घलोक सम्बोधित करिन।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment