मुख्यमंत्री ह लोकप्रिय ‘पंडवानी’ गायक श्री पुनाराम निषाद के निधन म गहरा दुःख व्यक्त करिन

श्री निषाद के निधन ले ‘पंडवानी’ के सोनहा जुग के लोप : डॉ. रमन सिंह

रायपुर, 11 फरवरी 2017। छत्तीसगढ़ के मुख्यमंत्री डॉ. रमन सिंह राज्य के प्रसिद्ध पंडवानी गायक, पद्मश्री अलंकरण ले सम्मानित श्री पुनाराम निषाद के निधन म गहरा दुःख व्यक्त करिन। डॉ. सिंह ह आज इहां जारी शोक-संदेश म कहिन कि श्री निषाद के निधन ले छत्तीसगढ़ म महाभारत कथा गायन के लोकप्रिय विधा ‘पंडवानी’ के एक सोनहा जुग के लोप होगे। श्री निषाद पंडवानी के वेदमती शैली के लोकप्रिय गायक रहिन। मुख्यमंत्री ह कहिन के स्व. श्री पुनाराम निषाद ह अपन विलक्षण प्रतिभा के बल म पंडवानी ल देश-विदेश म जन-जन तक पहुंचाके छत्तीसगढ़ के मान बढ़ाइन। राज्य के लोक-संस्कृति के विकास म ऊंखर ऐतिहासिक योगदान ल हमेशा याद रखे जाही। मुख्यमंत्री हर ऊंखर शोक-संतप्त कुटुंब बर अपन गहरा संवेदना अऊ सहानुभूति प्रकट करिन अऊ दिवंगत आत्मा के शांति बर ईश्वर ले प्रार्थना करिन। आप मन जानते होहू कि श्री पुनाराम निषाद के आज इहां अम्बेडकर अस्पताल म निधन हो गीस। श्री निषाद ल भारत सरकार ले साल 2005 मं पद्मश्री अलंकरण ले सम्मानित करे गए रहिस। ओ मन दुर्ग जिला के रिंगनी गांव के निवासी रहिन। उमन दस साल के उमर ले पंडवानी गावत रहिन।









Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment