राष्ट्रीय भारतीय सैन्य महाविद्यालय देहरादून म प्रवेश बर जून म होही परीक्षा

31 मार्च तक आवेदन आमंत्रित


रायपुर, 13 फरवरी 2017। राष्ट्रीय भारतीय सैन्य महाविद्यालय देहरादून के जनवरी 2018 के सत्र मं प्रवेश बर 31 मार्च 2017 तक आवेदन पत्र आमंत्रित करे गए हे। ए खातिर केवल छात्र मन आवेदन कर सकत हें। प्रवेश बर 01 जून अऊ 02 जून 2017 को देश के चुनिंदा स्थान मन म परीक्षा आयोजित करे जाही। छत्तीसगढ़ मं राजधानी रायपुर के प्रो. जे.एन.पाण्डेय शासकीय बहुउद्देशीय उच्चतर माध्यमिक विद्यालय नलघर चौक ल परीक्षा केन्द्र बनाय गए हे। ए महाविद्यालय म प्रवेश लेना चाहत छत्तीसगढ़ के उम्मीदवार 31 मार्च 2017 तक या ओखर पहिली राजधानी रायपुर के शंकरनगर स्थित राज्य शैक्षिक अनुसंधान अउ प्रशिक्षण परिषद कार्यालय मं फारम जमा कर सकत हें। ए संबंध मं विस्तृत जानकारी महाविद्यालय के वेबसाईट http://rimc.gov.in ले प्राप्त करे जा सकत हे।


राज्य शैक्षिक अनुसंधान अउ प्रशिक्षण परिषद छत्तीसगढ़ रायपुर ले प्राप्त जानकारी के अनुसार राष्ट्रीय भारतीय सैन्य महाविद्यालय देहरादून रक्षा मंत्रालय के अंतर्गत आवइया सेवा शिक्षण संस्थान आए, जेखर मुख्य उद्देश्य देश के तीनों सेना मन म छात्र मन ल पूर्ण रूप ले तैयार करके राष्ट्रीय रक्षा अकादमी पुणे मं आगू के प्रशिक्षण बर भेजना हे। महाविद्यालय मं प्रवेश केवल आठवीं कक्षा म ही होथे। जनवरी 2018 के सत्र मं प्रवेश पाय बर उम्मीदवार मन के आयु सीमा 01 जनवरी 2018 को साढ़े 11 साल ले कम अऊ 13 साल से जादा नइ होनी चाही। मने उम्मीदवार के जन्म 02 जनवरी 2005 ले पहिली अऊ 01 जुलाई 2006 के बाद नइ होनी चाही। महाविद्यालय के जनवरी 2018 सत्र म प्रवेश बर उम्मीदवार ल 01 जनवरी 2018 को कोनो मान्यता प्राप्त स्कूल ले 7वीं कक्षा म अध्ययन करत या पास होना चाही।






परीक्षा बर निरधारित तिथी 01 जून 2017 को अंगरेजी अऊ गणित के लिखित परीक्षा होही। अंगरेजी के परीक्षा भिनसरहा 10 बजे ले 12 बजे तक अउ गणित के परीक्षा मंझनिया 2 बजे से 3.30 बजे तक होही। 02 जून 2017 को सामान्य ज्ञान के परीक्षा भिनसरहा 10 बजे ले 11 बजे तक आयोजित करे जाही। एखर बाद मौखिक परीक्षा 10 अकटूबर 2017 को आयोजित होही। मौखिक परीक्षा म उम्मीदवार मन के बौद्धिक ज्ञान अउ व्यक्तित्व के परीक्षन होही। मौखिक परीक्षा म केवल ओ मन ही सामिल हो सकहीं, जऊन लिखित परीक्षा मन मं पास होही। लिखित परीक्षा के अंतर्गत हर एक विसय के प्रश्नपत्र अउ साक्षात्कार म उत्तीर्ण होए बर कम से कम 50 प्रतिशत अंक प्राप्त करना जरूरी हावे। साक्षात्कार के स्थान, समय के सूचना सितम्‍बर 2017 के पहिली हफ्ता मं राज्य के शिक्षा विभाग मन ले मिल जाही।


मौखिक परीक्षा मं सफल उम्मीदवार मन के चुने सैनिक अस्पताल मन मं स्वास्थ्य परीक्षण कराना होही। जऊन उम्मीदवार मन के स्वास्थ्य ठीक पाए जाही। केवल ओही ल राष्ट्रीय भारतीय सैन्य महाविद्यालय देहरादून म प्रवेश बर चुने म विचार करे जाही। प्रवेश के पाछू वार्षिक शुल्क 42 हजार चार सौ रूपया लगही, जऊन समय-समय म बढ़ घलोक सकथे। प्रवेश के समय जमानत के रूप म 20 हजार रूपया जमा करे ल लागही। ये राशि कॉलेज के पढ़ाई पूरा होए के बाद वापस हो जाही। चुने गए छात्र मन ल ओखर योग्यता के आधार म संबंधित राज्य ले छात्रवृत्ति प्रदान करे जाथे। छात्रवृत्ति राशि 10 हजार रूपया ले 20 हजार रूपया वार्षिक होथे।






आवेदन पत्र अऊ विवरण पत्रिका अउ जुन्ना प्रश्नपत्र राष्ट्रीय भारतीय सैन्य महाविद्यालय गढ़ीकैन्ट देहरादून ले प्राप्त करे जा सकथे। एक सेट बर सामान्य वर्ग के उम्मीदवार मन ल 550 रूपया अउर अनुसूचित जाति अउ अनुसूचित जनजाति वर्ग के उम्मीदवार मन ल 505 रूपया के बैंक ड्राफ्ट कमांडेंट, राष्ट्रीय भारतीय सैन्य महाविद्यालय देहरादून, स्टेट बैंक ऑफ इंडिया, तेल भवन देहरादून बैंक कोड (01576) के नाम भुगतान करके मंगाए जा सकथे। एखर खातिर अनुसूचित जाति अउ जनजाति के उम्मीदवार मन ल जाति प्रमाण पत्र के सत्यापित छायाप्रति भेजना अनिवार्य होही। आवेदन पत्र स्पीड पोस्ट ले भेजे जाना जाही। आवेदक अपन पत्र व्यवहार के पता टंकित या हस्तलिखित रूप ले हिन्दी या अंगरेजी म पोस्टल, पिनकोड अउ फोन नंबर के संग लिखकर भेज सकत हें। ए संबंध मं जरूरी हे कि केवल राष्ट्रीय भारतीय सैन्य महाविद्यालय ले मंगाए आवेदन पत्र ही मान्य होही। बाजार म मिलइया या फोटोकापी करे अउ बिना होलोग्राम (मुहर) के आवेदन पत्र के मान्यता नइ होगी। आवेदन शुल्क के वापसी नइ हो सकय। छत्तीसगढ़ के उम्मीदवार मन ल विहित प्रपत्र मं आवेदन पत्र (दो प्रति म) के संग पासपोर्ट आकार के फोटो, जन्म प्रमाण पत्र (नगर निगम, ग्राम पंचायत) असली निवास प्रमाण पत्र, अनुसूचित जाति अउ जनजाति के प्रमाण पत्र अउ प्रधानाचार्य ले प्रमाणित अभी हाल कक्षा म पढ़े के असली रूप मं फोटो सत्यापित करके, प्रमाण पत्र मन के संग 31 मार्च 2017 तक या ओखर ले पहिली छत्तीसगढ़ राज्य शैक्षिक अनुसंधान अउ प्रशिक्षण परिषद शंकरनगर रायपुर म जमा करना होही।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment