लोक सुराज अभियान : मुख्यमंत्री ल महिला सरपंच हर बताईस अपन गांव के समस्या

रायपुर, 26 फरवरी 2017। मुख्यमंत्री डॉ. रमन सिंह ल आज मंझनिया प्रदेश व्यापी लोक सुराज अभियान के पहिली दौर मं गरियाबंद जिला के ग्राम केड़ीआमा (रमनपुर) के चौपाल मं ग्राम पंचायत कनेसर के सरपंच श्रीमती विक्टोरिया बाई हर स्थानीय समस्या मन के जानकारी दीस। उमन लोक सुराज अभियान के तहत तीन दिवसीय आवेदन संकलन शिविर के पहिली दिन म अपन ग्राम पंचायत के आश्रित गांव मं मुख्यमंत्री के आगमन होइस तेखर बर गांव वाला मन डहर ले आभार प्रकट करीन। पाछू हफ्ता राजधानी रायपुर मं मुख्यमंत्री निवास मं आयोजित जनदर्शन कार्यक्रम मं केड़ीआमा के मनखे मन डॉ. रमन सिंह ले मुलाकात करके डाक्‍टर साहब ल अपन गांव मं आमंत्रित करे रहिन। उमन सरपंच श्रीमती विक्टोरिया बाई अऊ आन ग्रामीण मन के दस्‍खत वाले ज्ञापन सौंपके डॉ. सिंह ल गांव के समस्या मन के जानकारी दे रहिन हें। मुख्यमंत्री हर ओ मन ल विश्वास दिलाए रहिन हे कि समय निकालकर ओ मन ऊंखर गांव जरूर पहुंचहीं। मुख्यमंत्री के हेलीकाप्टर आज अचानक जब उहां पहुंचिस त गांव वाले मन खुस होगइन हर उंखर आत्मीय स्वागत करीन। उमन डॉ. सिंह ले कहिन के आप मन केड़ीआमा ल वीरान गांव ले आबाद गांव बनाके नवा सिरा ले बसाए हव। एखर ले अब ग्रामीण मन ल कई ठन योजना मन के लाभ आसानी ले मिलही। आप मन के प्रति आभार अऊ सम्मान प्रकट करे बर हमन ए गांव के नाम रमनपुर रखे हावन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment