मुख्यमंत्री ह क्रिकेट खेल के करिस मिनी स्टेडियम के लोकार्पण

रायपुर, 09 फरवरी 2017। मुख्यमंत्री डॉ. रमन सिंह ह काली मंझनिया जांजगीर-चाम्पा जिला के गांव पेन्ड्री मं क्रिकेट खेलके उहां के मिनी स्टेडियम के लोकार्पण करिस। एखर निर्माण 37 लाख 24 हजार रूपया के लागत ले अंदाजन साढ़े चार एकड़ मं होए हे। डॉ. सिंह हर ए अवसर म जाज्वल्यदेव क्रिकेट एसोसिएशन कोति ले आयोजित सद्भावना किक्रेट मैच के शुभारंभ घलोक करिस। उमन कहिन के मिनी स्टेडियम के निर्माण ले जिला मुख्यालय जांजगीर अउ तीर-तार के खिलाड़ी लइका अऊ युवा मन ल खेले बर एक बेहतर जघा मिल गे। ओ मन अब इहां खेल के संगें-संग नियमित अभ्यास घलोक कर सकहीं। नगरीय प्रशासन अऊ उद्योग मंत्री श्री अमर अग्रवाल, लोकसभा सांसद श्रीमती कमला देवी पाटले, संसदीय सचिव श्री अंबेश जांगड़े, अंत्यावासी विकास वित्त निमग के अध्यक्ष श्री निर्मल सिन्हा, पूर्व विधानसभा उपाध्यक्ष श्री नारायण चंदेल अऊ पूर्व कृषि मंत्री श्री मेघाराम साहू संग कई वरिष्ठ जनप्रतिनिधि अऊ खेलप्रेमी नागरिक ए मौका म उपस्थित रहिन।










Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment