छत्तीसगढ़ म एके दिन दू भरती परीक्षा मन के तारीक : फूड इंस्पेक्टर अउ यूपीएससी





रायपुर। संघ लोक सेवा आयोग (यूपीएससी) अऊ छत्तीसगढ़ व्यावसायिक परीक्षा मंडल (व्यापमं) के तरफ ले होवईया भर्ती परीक्षा मन के तारीक एक पइत फेर जुर गए हे। दुनोंच परीक्षा 26 फरवरी के दिन होवईया हे। एखर ले दुनों परीक्षा बर आवेदन करईया करीबन तीन हजार अभ्यर्थी मन चिंता म पर गए हें। ऊंन व्यापमं के साहब मन ले मांग करें हें के 26 को होवइया फूड इंस्पेक्टर के भर्ती परीक्षा के तारीक ल आगू बढ़ाए जाय।


खाद्य आपूर्ति अउ उपभोक्ता संरक्षण विभाग के तहत फूड इंस्पेक्टर के पद बर व्यापम ह भर्ती परीक्षा आयोजित करत हे। पहिली ये परीक्षा 19 फरवरी को होवइया रहिस फेर ए तारीक को प्रदेश म राज्य सेवा 2016 के प्रारंभिक परीक्षा होवईया हे। इन दुनों परीक्षा बर अड़बड़ झन विद्यार्थी मन आवेदन करे हें त व्यापमं ह फूड इंस्पेक्टर के भर्ती परीक्षा के तारीक ल आगू बढ़ाके 26 फरवरी कर दीस। अब ए तारीक को यूपीएससी के परीक्षा जुर गे हावे। अभ्यर्थी मन के कहना हावे कि 26 को यूपीएससी के तरफ ले प्रवर्तन अधिकारी, लेखा अधिकारी के परीक्षा होवईया हे। यूपीएससी एखर तारीक नइ बदलय। ए खातिर व्यापमं ले परीक्षा के तारीक आगू बढ़ाय बर एमन आवेदन करे हें। तारीक नइ बदलही त इमन एके परीक्षा दे सकहीं, अउ इंखर भविष्‍य संग खेलवारी हो जाही।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment