सन्त मन के आशीर्वाद ले बस्तर अंचल बहुत जल्दी नक्सल हिंसा ले मुक्‍त होही

मुख्यमंत्री सामिल होइस श्री श्री रविशंकर के सत्संग मं


रायपुर, 28 फरवरी 2017। मुख्यमंत्री डॉ. रमन सिंह कल रात इहां जोरा मैदान मं आध्यात्मिक गुरू अऊ आर्ट आफ लिविंग के संस्थापक श्री श्री रविशंकर महाराज के सत्संग ’स्पंदन’ मं सामिल होइन। ए अवसर म उमन कहिन कि सन्त मन के आशीर्वाद ले नक्सल प्रभावित बस्तर अंचल संग पूरा छत्तीसगढ़ बहुत जल्दी नक्सल हिंसा ले मुक्‍त होही। इहां शांति अऊ विकास के खुशबू बगरही। श्री श्री रविशंकर महाराज ह छत्तीसगढ़ के प्रवास के समय बीजापुर मं लोगन मन ल अपन मार्गदर्शन देहे रहिन। उमन नक्सली मन ले बुलेट छोड़ के बैलेट अपनाए के आव्हान करके उनला समाज के मुख्यधारा मं सामिल होए के आग्रह करिन। ओ मन नक्सली मन के संग बातचीत मं मध्यस्थता करे ल घलोक तैयार हें। मुख्यमंत्री ह छत्तीसगढ़वासी मन के तरफ ले श्री श्री रविशंकर महाराज के अभिनन्दन करिन। मुख्यमंत्री ह उमन से छत्तीसगढ़ खातिर अपन आशीर्वाद हमेशा बनाये रखे के आग्रह करिन। श्री श्री रविशंकर महाराज हर मुख्यमंत्री ले छत्तीसगढ़ ल नशा मुक्‍त प्रदेश अऊ जैविक खेती वाला राज्य बनाए बर पहल करे के आग्रह करिन। उमन नक्सल हिंसा के सन्दर्भ मं कहिन कि हिंसा ले कुछ हासिल नइ होवय, बातचीत अऊ सकारात्मक कार्य ले हर समस्या के समाधान हो सकथे। श्री श्री रविशंकर महराज ह लोगन मन ले स्वछता बर काम करे के आग्रह करे गीस। उमन सत्संग मं श्रद्धालू मन के सवाल के जवाब घलोक दीन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment