चिकित्सा विज्ञान अउ अभियांत्रिकी विज्ञान के हिंदी म पुस्तक प्रकाशित करे के जरूरत : श्री टंडन

राज्यपाल ले हिंदी ग्रंथ अकादमी के संचालक ह करिन मुलाकात


रायपुर, 13 फरवरी 2017। राज्यपाल श्री बलरामजी दास टंडन ले आज इहां राजभवन म छत्तीसगढ़ राज्य हिंदी ग्रंथ अकादमी के संचालक श्री शशांक शर्मा ह सौजन्य मुलाकात करिन अऊ हिंदी ग्रंथ अकादमी के गतिविधी के विस्तार ले जानकारी दीन। राज्यपाल ह अकादमी कोति ले करे जात काम मन के सराहना करिन अऊ श्री शर्मा ल शुभकामना दीन।


राज्यपाल श्री टंडन हर कहिन कि चिकित्सा विज्ञान अउ अभियांत्रिकी विज्ञान बर हिंदी म उत्कृष्ट पुस्तक मन के कमी हे। अकादमी ल ए काम ल प्राथमिकता ले करना चाही ताकि प्रदेश के हिंदी भाषी विद्यार्थि मन ल आसानी हो सकय। श्री शर्मा हर बताइन के ग्रंथ अकादमी ले अब तक छत्तीसगढ़ संग कइ विषय मन म 90 ले जादा किताब छपे हावे। अकादमी ले सिविल अभियांत्रिकी अऊ खनन अभियांत्रिकी के पुस्तक अउ छत्तीसगढ़ के धरोहर ले संबंधित पुस्तक प्रकाशित करे के काम चालू करे जात हे।










Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment