औद्योगिक प्रशिक्षण संस्थान मं प्लेसमेन्ट कैम्प के आयोजन 1 अपरेल को

अम्बिकापुर 30 मार्च 2017। जिला रोजगार अउ स्व रोजगार मार्गदर्शन केन्द्र अम्बिकापुर के उप संचालक श्री एस.पी. त्रिपाठी हर बताइस कि 1 अपरेल, सनिवार को बिहनिया 11 बजे ले मंझनिया 4 बजे तक शासकीय औद्योगिक प्रशिक्षण संस्थान अम्बिकापुर मं प्लेसमेन्ट कैम्प के आयोजन करे जात हावे। ए प्लेसमेन्ट कैम्प मं निजी क्षेत्र के नियोजक निपाने इड्रस्ट्रीज प्राइवेट लिमिटेड बौरीपारा अम्बिकापुर उपस्थित रहिहि। रोजगार अधिकारी हर बतायइस कि प्लेसमेन्ट कैम्प मं ब्रॉच मनेजर अउ सहायक ब्रॉच मनेजर के 14-14 पद मन म भर्ती करे जाही। ब्रॉच मनेजर बर संबंधित मनखे ल दसवी या बीए उत्तीर्ण अउ सहायक ब्रॉच मनेजर बर आवेदक ल दसवीं या बारहवीं कक्षा उत्तीर्ण होना चाही। ब्रॉच मैनेजर ल 15 हजार रूपया मासिक अउ सहायक ब्रॉच मनेजर ल 10 हजार रूपया मासिक वेतन दे जाही। ये पद मन बर आयु सीमा के कोनो बंधन नइ हे। जिला के जम्मो पात्रता रखैया इच्छुक आवेदक मन एकर बर आवेदन कर सकत हें। आवेदक मन ल अपन संग शैक्षणिक योग्यता के अंकसूची, निवास, जाति, आधार कार्ड, रोजगार कार्यालय के पंजीयन कार्ड के मूलप्रति अउ ए सब्बो कागद मन के छायाप्रति अउ पासपोर्ट साईज फोटो के संग 1 अपरेल को बिहनिया 11 बजे ले मंझनिया 4 बजे तक आईटीआई अम्बिकापुर मं आयोजित प्लेसमेन्ट कैम्प मं उपस्थित होए ल कहे हे।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment