मुख्यमंत्री हर करिस ऐलान: राज्य के 2.60 लाख ले जादा कर्मचारी मन ल मिलही सातवां वेतनमान

दिवंगत वन कर्मचारी श्री दौलतराम लदेर के नाम म वनकर्मी मन बर शुरू होही कर्त्तव्य परायणता पुरस्कार
वनोपज समिति प्रबंधक मन के पारिश्रमिक 25 प्रतिशत बढ़ाए जाही






रायपुर, 29 मार्च 2017। मुख्यमंत्री डॉ. रमन सिंह हर प्रदेश के दू लाख 60 हजार लू जादा सरकारी कर्मचारी मन ल अवइया वित्तीय बछर 2017-18 ले सातवां वेतनमान के लाभ देहे के घोषणा करे हावे। डॉ. सिंह हर आज संझा इहां विधानसभा मं नवा वित्तीय साल 2017-18 बर विनियोग विधयेक उपर सदन मं होए चर्चा के जवाब देवत ये घोषणा करिन। उमन सदन मं ये घलोक ऐलान करिन कि जंगल मन के रक्षा बर कर्त्तव्य निर्वहन के समय अपन प्राण के आहूति देवइया वन विभाग के कर्मचारी श्री दौलतराम लदेर के स्मृति मं राज्य शासन कोति ले कर्त्तव्य परायणता पुरस्कार शुरू करे जाही, जऊन हर बछर वन, वन्यप्राणी मन अऊ वनोपज के सुरक्षा, ऊंखर संरक्षण अऊ संवर्धन बर सर्वश्रेष्ठ काम करइया एक वन कर्मचारी ल दे जाही। ए साल पुरस्कार के रूप मं श्री दौलत राम लदेर ल मरणोपरांत एक लाख रूपए के नकद पुरस्कार अऊ प्रशस्ति पत्र दे के घोषणा मुख्यमंत्री करिन। उमन कहिन कि ये पुरस्कार उंखर धर्मपत्नी श्रीमती पुष्पा लदेर ल दे जाही। मुख्यमंत्री हर प्राथमिक वनोपज सहकारी समिती मन के प्रबंधक मन के पारिश्रमिक मं 25 प्रतिशत बढ़ोतरी करे के घलोक घोषणा करिन।




उमन कहिन- अब ए प्रबंध मन ल हर महीना 10 हजार रूपया के जघा म 12 हजार 500 रूपए के पारिश्रमिक मिलही। ऊंखर भविष्य के सुरक्षा अऊ आपातकालीन परिस्थिती मन मं ऊंखर कुटुंब ल सहायता दे बर प्रबंधक कल्याण निधि बनाय जाही, जेमां छोटे वनोपज संघ ले प्रारंभिक रूप से एकमुश्त राशि जमा करे जाही अउ प्रबंधक मन ले हर महीना 500-500 रूपए जमा करे जाही। ओ मन ल बीमा योजना के घलोक लाभ मिलही। प्रबंधक कल्याण निधि के उपयोग बर नियमावली तैयार करे जाही। मुख्यमंत्री हर विनियोग विधेयक उपर अपन जवाब मं सरकार के जम्‍मो प्रमुख विभाग मन के कई ठन योजना मन अऊ उपलब्धि मन उपर विस्तार से प्रकाश डालिन। मुख्यमंत्री के जवाब के बाद सदन मं विनियोग विधेयक 2017 ध्‍वनि मत ले पारित कर दे गीस। एखर से अब राज्य सरकार ल नवा वित्तीय साल 2017-18 बर राज्य के संचित निधि मं से 80 हजार 959 करोड़ 27 लाख 44 हजार रूपए खर्च करे के अनुमति मिल गे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment