तीन बड़का सिंचाई योजना मन बर मिलही 715 करोड़ के करजा

मुख्यमंत्री के अध्यक्षता म होइस एम.ओ.यू.
तीन बड़का सिंचाई योजना मन बर मिलही 715 करोड़ के करजा
राज्य सरकार अउ नाबार्ड के बीच होइस समझौता
केलो, खारंग अउ मनियारी परियोजना मन ल पूरा करे, नहर लाइनिंग संग होही कई जरूरी निर्माण कार्य






रायपुर 21 मार्च 2017। मुख्यमंत्री डॉ. रमन सिंह के अध्यक्षता म आज इहां विधानसभा परिसर स्थित ऊंखर कार्यालय कक्ष म आयोजित बैठक म राज्य सरकार अउ राष्ट्रीय कृषि अउ ग्रामीण विकास बैंक (नाबार्ड) के बीच समझौता ज्ञापन (एम.ओ.यू.) म हस्ताक्षर होइस। ए समझौता के अनुसार नाबार्ड ले छत्तीसगढ़ म प्रधानमंत्री कृषि सिंचाई योजना के तहत तीन अपूरा वृहद सिंचाई योजना मन ल पूरा करे बर अंदाजन 715 करोड़ रूपया के करजा देहे जाही। ए योजना मन म केलो वृहद सिंचाई परियोजना, खारंग नहर लाइनिंग परियोजना अउ मनियारी नहर लाइनिंग परियोजना सामिल हावय। ए मन ल साल 2019 तक पूरा करे के लक्ष्य हावय। ए तीनों परियोजना मन के पूरा होए म 47 हजार 685 हेक्टेयर के रकबा म सिंचाई सुविधा के विस्तार होही। एम.ओ.यू. के अवसर म कृषि अउ जल संसाधन मंत्री श्री बृजमोहन अग्रवाल, मुख्य सचिव श्री विवेक ढांड, वित्त विभाग के प्रमुख सचिव श्री अमिताभ जैन अउ विशेष सचिव श्री कमलप्रीत सिंह संग आन वरिष्ठ अधिकारी उपस्थित रहिन। समझौता ज्ञापन म राज्य सरकार के तरफ ले वित्त विभाग के प्रमुख सचिव श्री अमिताभ जैन हर हस्ताक्षर करिन। जल संसाधन विभाग के अधिकारी मन हर ए अवसर म बताइन कि प्रधानमंत्री कृषि सिंचाई योजना म केन्द्र सरकार ले 99 महत्वपूर्ण योजना मन ल सामिल करे गए हावय, जेमा छत्तीसगढ़ के तीन बड़े परियोजना सामिल हावय। केलो वृहद सिंचाई परियोजना के अभी हाल म 99 प्रतिशत काम पूरा हो गए हावय। अब एखर बांचे निर्माण कार्य अउ लगभग 22 हजार 810 हेक्टेयर के सिंचाई क्षेत्र म काडा नाली मन के मिट्टी के काम, लाइनिंग काम अउ पक्का संरचना मन के निर्माण करे जाही। खारंग नहर लाइनिंग परियोजना के घलोक 99 प्रतिशत काम पूरा हो गए हावय। अब येमां घलोक सिंचाई क्षेत्र म काडा नाली के मिट्टी के काम, लाइनिंग काम अउ पक्का संरचना मन के निर्माण करे जाही। लगभग दस हजार 300 हेक्टेयर के सिंचाई क्षेत्र म ये वाले काम होही। मनियारी सिंचाई परियोजना ल पूरा करे बर घलोक 14 हजार 515 हेक्टेयर के सिंचाई क्षेत्र म काडा नाली मन के मिट्टी के काम करे जाही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment